নেতাই এৰিলেও কৰ্মীয়ে নেৰে প্ৰমোদ বড়োৰ আসন! বাজপেয়ী ভৱনৰ নিৰ্দেশনাক লৈ অসন্তুষ্ট BTRৰ BJPৰ তৃণমূল কৰ্মী।
ক্ৰমাৎ দূৰত্ব বাঢ়িছে মিত্ৰদল BJP-UPPLৰ,অধিক স্পষ্ট হৈছে দল দুটাৰ মিত্ৰতাত ফাঁট।
BTRত প্ৰমোদ বড়োক গাদীচুত্য কৰাৰ বাবে শক্তি বৃদ্ধি কৰিছে BJPয়ে!
সম্ভৱত অক্টোবৰত অনুষ্ঠিত হ'ব BTCৰ নিৰ্বাচন। নিৰ্বাচনলৈ মাজত এতিয়াও বাকী প্ৰায় চাৰিমাহ। কিন্তু BTCৰ নিৰ্বাচনক লৈ ক্ৰমাৎ গৰম হৈ পৰিছে ৰাজনীতি। সমাগত BTCৰ নিৰ্বাচনক লৈ ফঁটা মেলিছে BTCৰ শাসকীয় মিত্ৰদল BJP-UPPL ত। এইবাৰ অকলেই BTCৰ গাদী দখল কৰিবলৈ ইতিমধ্যে অভিযান আৰম্ভ কৰিছে BJPয়ে।
ঘোষণা কৰা হৈছে অকলেই BJPয়ে প্ৰতিদ্বন্দ্বিতা কৰিব ৩০ খন আসনত। অৱশ্যে এৰি দিয়া হ'ব হাগ্ৰামা মহিলাৰী আৰু প্ৰমোদ বড়োই প্ৰতিদ্বন্দ্বিতা কৰা আসন। এই ঘোষণা কৰিছে ৰাজ্যিক BJPৰ সভাপতি দিলীপ শইকীয়াই।
দিলীপ শইকীয়াই এই মন্তব্যৰে BPF আৰু UPPL দুয়োটা দলৰ বাবে সুবিধা অনুযায়ী মিত্ৰতাৰ দুৱাৰ খোলা ৰাখিব চেষ্টা কৰিছে যদিও ৰাজ্যিক BJPৰ এই সিদ্ধান্তক লৈ অসন্তুষ্ট হৈ পৰিছে তৃণমূলৰ BJP কর্মী সকল। দলৰ নেতৃত্বই প্ৰমোদ বড়োৰ বাবে আসন এৰাৰ সিদ্ধান্ত ল'লেও সেই সিদ্ধান্ত গ্ৰহণ কৰিব বিচৰা নাই BJPৰ কাৰ্যকৰ্তা সকলে। গোৰেশ্বৰত ৫ শতাধিক লোকক BJPত যোগদান কৰাই স্থানীয় নেতা সকলৰ মন্তব্য।
গোৰেশ্বৰ পাৰিষদীয় সমষ্টি কোনো কাৰণত এৰি দিয়া নহয় UPPLক। খোদ প্ৰমোদ বড়োই প্ৰতিদ্বন্দ্বিতা কৰিলেও সমষ্টি নেৰে BJPৰ কর্মী সকলে। ৰাজ্যিক নেতৃত্বই সমষ্টি এৰাৰ নিৰ্দেশ দিলেও প্ৰমোদ বড়োক পৰাস্ত কৰিবলৈ যুঁজিব BJP কৰ্মী সকলে।
'আমি আমাৰ দলটোৰ কথাই চিন্তা কৰিব লাগিব', স্পষ্ট মত BJPৰ স্থানীয় নেতা কৰ্মীৰ।
মিত্ৰদল BJPয়ে নিজৰ সাংগঠনিক তৎপৰতা আৰম্ভ কৰাৰ সমান্তৰাল ভাৱে পানীৰ তলৰ কাঁইট হৈ প্ৰমোদ বড়োক গাদীচুত্য কৰাৰ পৰিকল্পনা প্ৰস্তুত কৰাক লৈ প্ৰতিক্ৰিয়া প্ৰকাশ কৰিছে UPPL দলৰ কাৰ্যকৰী সভাপতি তথা ৰাজ্যসভাৰ সাংসদ ৰণগৌড়া নাৰ্জাৰীয়ে। নাৰ্জাৰীয়ে শেহতীয়া ৰাজনৈতিক ঘটনাক্ৰমক লৈ প্ৰতিক্ৰিয়া প্ৰকাশ কৰি কয় যে, 'BJP ২০ খন খেলে ৪০ খন খেলে খেলক, আমি কোনো দলৰ কথা চিন্তা নকৰোঁ, ৪০ খনতেই অকলেই প্ৰতিদ্বন্দ্বিতা কৰাৰ সামৰ্থ আমাৰ আছে'
মুঠৰ ওপৰত নিৰ্বাচন যিমানেই চমু চাপি আহিছে সিমানেই তিক্ততা বৃদ্ধি পাইছে দল দুটাৰ মাজত। তেনে স্থলত অধিক আকৰ্ষণীয় হৈ পৰিছে সমাগত BTCৰ নিৰ্বাচনৰ ।দল দুটাৰ মাজত মিত্ৰতা অব্যাহত থাকে নে নাথাকে সেয়া হৈ পৰিছে লক্ষণীয়।
