আইনী মেৰপেছত সোমাই পৰিছে সাংসদ প্ৰিয়ংকা গান্ধী। বাতিল হ'ব পাৰে প্ৰিয়ংকা গান্ধীৰ সাংসদ পদ। কংগ্ৰেছ সাংসদ প্ৰিয়ংকা গান্ধীলৈ কেৰেলা উচ্চ ন্যায়ালয়ে জাৰি কৰিছে জাননী। মনোনায়ন পত্ৰত প্ৰয়োজনীয় তথ্য প্ৰদান নকৰাৰ অভিযোগ তুলি উচ্চ ন্যায়ালয়ৰ কাষ চাপিছিল পৰাজিত এগৰাকী প্ৰাৰ্থীয়ে।
পৰিয়ালৰ সম্পত্তি সন্দৰ্ভত সম্পূৰ্ণ তথ্য দাখিল নকৰাৰ অভিযোগ আনি NDAৰ প্ৰাৰ্থী নাব্যা হৰিদাসে দাখিল কৰিছিল উচ্চ ন্যায়ালয়ত আবেদন। NDAৰ প্ৰাৰ্থী গৰাকীয়ে প্ৰিয়ংকা গান্ধীৰ সাংসদ পদ বাতিল কৰাৰ বাবে ন্যায়ালয়ত জনাইছে দাবী।
উল্লেখযোগ্য যে বিগত বর্ষৰ নৱেম্বৰত অনুষ্ঠিত হোৱা উপ নিৰ্বাচনত কেৰেলাৰ ৱায়নাদ সমষ্টিৰ পৰা সাংসদ নিৰ্বাচিত হৈছিল প্ৰিয়ংকা গান্ধী। ৬ লাখ ২২ হাজাৰ ৩৩৮টা ভোটৰ ব্যৱধানত জয়লাভ কৰিছিল প্ৰিয়ংকা গান্ধী।তেনেস্থলত NDAৰ পৰাজিত প্ৰাৰ্থী গৰাকীয়ে উত্থাপন কৰা অভিযোগ সত্য প্ৰমাণিত হ'লে বাতিল হ'ব পাৰে প্ৰিয়ংকাৰ সাংসদ পদ।
ইয়াৰ পূৰ্ৱে ৰাহুল গান্ধীৰো বিতৰ্কিত মন্তব্য কৰাৰ বাবে সাংসদ পদ বাতিল কৰা হৈছিল। এইবাৰ পুনৰ প্ৰিয়ংকা গান্ধীৰো সাংসদ পদ খাৰিজৰ সম্ভাৱনা।
