গুজৰাটৰ আহমেদাবাদত এয়াৰ ইণ্ডিয়াৰ বিমানৰ ভয়ংকৰ দুৰ্ঘটনা। চৰ্দাৰ বল্লভভাই পেটেল আন্তঃৰাষ্ট্ৰীয় বিমান বন্দৰৰ সমীপতে দুৰ্ঘটনাত পতিত এয়াৰ ইণ্ডিয়াৰ যাত্ৰীবাহী বিমানখন। লণ্ডন অভিমুখি বিমানখনৰ উৰণৰ কিছুসময়ৰ পাছতেই সংঘটিত হয় ভয়ংকৰ দুৰ্ঘটনা। আহমেদাবাদৰ মেঘানী নগৰৰ এটা আবাসিক অঞ্চলত ভূপতিত হয় বিমানখন। বৃহস্পতিবাৰৰ এই ভয়ংকৰ দুৰ্ঘটনাত বিমানখনৰ সকলো যাত্ৰীৰ মৃত্যুৰ আশংকা কৰা হৈছে।
আহমেদাবাদৰ পৰা লণ্ডন গেটৱেইক বিমানবন্দৰলৈ উৰা মাৰিছিল এয়াৰ ইণ্ডিয়াৰ এআই ১৭১ বিমানখন। উৰণৰ পাঁচ মিনিটৰ ভিতৰতে জনাঞ্চলৰ ওপৰত ভূপতিত হয় বিমানখন। এই বিমানে যাত্ৰী আৰু বিমানকৰ্মী মিলি মুঠ ২৪২ জন লোক আছিল। ইয়াৰে ১৬৯ জনেই ভাৰতীয়, তাৰ উপৰিও ৫৩ জন ব্ৰিটিছ নাগৰিক । এয়াৰ ইণ্ডিয়াৰ বিমান সংস্থাটোৱে এখন বিবৃতি প্ৰকাশ কৰিছে সমগ্ৰ ঘটনা সন্দৰ্ভত। বিমানে যাত্ৰী সংখ্যা ২৩০। দুজন পাইলট সহ মুঠ১২ জন আছিল বিমানকৰ্মী।
বৃহস্পতিবার বিয়লি ৩ বাজি ১৯ মিনিটত এয়াৰ ইণ্ডিয়াই জনাই যে, এআই১৭১ বিমানখন দুপৰীয়া ১ বাজি ৩৮ মিনিটত অহমদাবাদৰ পৰা উৰা মাৰিছিল। বিমানত যাত্ৰী আৰু বিমানকর্মী মিলাই ১৬৯ জন ভাৰতীয় নাগৰিক আছিল। ইয়াৰ উপৰিও, ৫৩ জন ব্ৰিটিছ নাগৰিক, এজনে কানাডিয়ান আৰু সাত জন পোৰ্তুগীজ নাগৰিক দুৰ্ঘটনাগ্ৰস্ত বিমানত আছিল। ঘটনাস্থলৰ পৰা আঘাতপ্ৰাপ্ত সকলক উদ্ধাৰ কৰি নিকটৱৰ্তী হাস্পতাললৈ লৈ যোৱা হৈছে। ইতিমধ্যে এয়াৰ ইণ্ডিয়াই হেল্পলাইন নম্বৰ খুলি দিছে। ১৮০০৫৬৯১৪৪৪ নম্বৰত যোগাযোগ কৰি এই বিষয়ত তথ্য জানিব পৰা যাব। ইতিমধ্যে কেনেকৈ এই দুৰ্ঘটনা সংঘটিত হ'ল তাৰো তদন্ত আৰম্ভ কৰা হৈছে। এয়াৰ ইন্ডিয়াই এই বিষয়ত তদন্তৰ বাবে তদন্তকাৰী সংস্থাক পূৰ্ণ সহযোগিতা আগবঢ়াইছে ।
এয়াৰ ইণ্ডিয়াৰ দুৰ্ঘটনাগ্ৰস্ত বিমানটিত আছিল গুজৰাটৰ প্রাক্তন মুখ্যমন্ত্ৰী তথা বৰ্ষীয়ান বিজেপি নেতা বিজয় ৰূপাণী। তেঁও লণ্ডনলৈ বুলি ৰাওনা হৈছিল। আছিল। বৰ্তমানলৈকে তেওঁৰ কোনো সন্দান লাভ কৰা নাই । জনাঞ্চলত বিমানখন ভূপতিত হোৱাৰ পিছতেই জুইয়ে আগুৰি ধৰে বিমানখন। ক'লা ধোঁৱাই সমগ্ৰ অঞ্চল আগুৰি ধৰে। বিমানবন্দৰৰ কাষত ডাক্তাৰসকলৰ এখন হোষ্টেলৰ আছিল আৰু তাৰ ওপৰতে বিমানখন ভূপতিত হয়।জানিব পৰা অনুসৰি বিমানখন বহু বেছি উচ্চতালৈ উৰা পৰাৰ পূৰ্ৱেই এই অঘটনটো সংঘটিত হয়। আহমেদাবাদৰ আৰক্ষী, অগ্নি নিৰ্বাপক বাহিনী আৰু আপদকালীন বিভাগে উদ্ধাৰ অভিযৈন অব্যাহত আছে । ক্ষয়ক্ষতিৰ পৰিমান অধিক বৃদ্ধি হোৱাৰ সম্ভাৱনা।
ভাইৰেল হোৱা এটা ভিডিঅ’ত দেখা গৈছে, বিমানখনে উৰা মৰাৰ ঠিক পিছতেই, মাটিৰ পৰা কিছু ওপৰলৈ আগিবাঢ়ি গৈছিলহে, কিন্তু বিমানখন ওপৰলৈ উৰামৰাৰ পৰিৱৰ্তে কিছুক্ষণৰ ভিতৰতে তললৈ নামিবলৈ আৰম্ভ কৰে আৰু মুহূৰ্ততে ভাঙি পৰে। লগে লগে জুইয়ে আগুৰি ধৰে বিমানখন।
