আহমেদাবাদত দুৰ্ঘটনাগ্ৰস্ত এয়াৰ ইণ্ডিয়াৰ অভিশপ্ত বিমানখনত আছিল উত্তৰ-পূৱৰ দুই যুৱতী। বিমানখনত কেবিন ক্ৰু হিচাপে আছিল মণিপুৰৰ থৌবালৰ কে এন শৰ্মা আৰু মিজোৰামৰ লামনুনথিয়েম ছিংছন। বৰ্তমানলৈকো সম্ভেদ পোৱা নাই কেবিন ক্ৰু থৌবালৰ কে এন শৰ্মাৰ।
আহমেদাবাদৰ পৰা লণ্ডন গেটৱেইক বিমানবন্দৰলৈ উৰা মাৰিছিল এয়াৰ ইণ্ডিয়াৰ এআই ১৭১ বিমানখন। উৰণৰ পাঁচ মিনিটৰ ভিতৰতে জনাঞ্চলৰ ওপৰত ভূপতিত হয় বিমানখন। এই বিমানে যাত্ৰী আৰু বিমানকৰ্মী মিলি মুঠ ২৪২ জন লোক আছিল।বিমানত যাত্ৰী আৰু বিমানকর্মী মিলাই ১৬৯ জন ভাৰতীয় নাগৰিক আছিল। ইয়াৰ উপৰিও, ৫৩ জন ব্ৰিটিছ নাগৰিক, এজনে কানাডিয়ান আৰু সাত জন পোৰ্তুগীজ নাগৰিক দুৰ্ঘটনাগ্ৰস্ত বিমানত আছিল। ঘটনাস্থলৰ পৰা আঘাতপ্ৰাপ্ত সকলক উদ্ধাৰ কৰি নিকটৱৰ্তী হাস্পতাললৈ লৈ যোৱা হৈছে। ইতিমধ্যে এয়াৰ ইণ্ডিয়াই হেল্পলাইন নম্বৰ খুলি দিছে। ১৮০০৫৬৯১৪৪৪ নম্বৰত যোগাযোগ কৰি এই বিষয়ত তথ্য জানিব পৰা যাব। ইতিমধ্যে কেনেকৈ এই দুৰ্ঘটনা সংঘটিত হ'ল তাৰো তদন্ত আৰম্ভ কৰা হৈছে। এয়াৰ ইন্ডিয়াই এই বিষয়ত তদন্তৰ বাবে তদন্তকাৰী সংস্থাক পূৰ্ণ সহযোগিতা আগবঢ়াইছে ।
এয়াৰ ইণ্ডিয়াৰ দুৰ্ঘটনাগ্ৰস্ত বিমানটিত আছিল গুজৰাটৰ প্রাক্তন মুখ্যমন্ত্ৰী তথা বৰ্ষীয়ান বিজেপি নেতা বিজয় ৰূপাণী। তেঁও লণ্ডনলৈ বুলি ৰাওনা হৈছিল। আছিল। বৰ্তমানলৈকে তেওঁৰ কোনো সন্দান লাভ কৰা নাই । জনাঞ্চলত বিমানখন ভূপতিত হোৱাৰ পিছতেই জুইয়ে আগুৰি ধৰে বিমানখন। ক'লা ধোঁৱাই সমগ্ৰ অঞ্চল আগুৰি ধৰে। বিমানবন্দৰৰ কাষত ডাক্তাৰসকলৰ এখন হোষ্টেলৰ আছিল আৰু তাৰ ওপৰতে বিমানখন ভূপতিত হয়।জানিব পৰা অনুসৰি বিমানখন বহু বেছি উচ্চতালৈ উৰা পৰাৰ পূৰ্ৱেই এই অঘটনটো সংঘটিত হয়। আহমেদাবাদৰ আৰক্ষী, অগ্নি নিৰ্বাপক বাহিনী আৰু আপদকালীন বিভাগে উদ্ধাৰ অভিযৈন অব্যাহত আছে । ক্ষয়ক্ষতিৰ পৰিমান অধিক বৃদ্ধি হোৱাৰ সম্ভাৱনা।
