দুৰ্ঘটনাগ্ৰস্ত বিমানখনত আছিল বিসংগতি, এগৰাকী যাত্ৰীয়ে উদঙালে প্ৰকৃত সত্য

আহমেদাবাদত দুৰ্ঘটনাগ্ৰস্ত বিমানখনত আছিল কাৰিকৰী বিজুতি। ১১বছৰ পুৰণি দুৰ্ঘটনাগ্ৰস্ত বিমানখনত ইতিপূৰ্বে যাত্ৰা কৰাৰ সময়ত আকাশ ভাটছা নামৰ এগৰাকী যাত্ৰীয়ে এইদৰেই উদঙাই দিছিল বিমানখনৰ বিসংগতি। বৃহস্পতিবাৰে আহমেদাবাদত বিমানখন দুৰ্ঘটনাত পতিত হোৱাৰ পাছতেই পুৰণি সেই ভিডিঅ' ছ'চিয়েল মিডিয়াত আপলোড কৰিছে আকাশে।
উৰামৰাৰ কেইমিনিটমান পিছতে আহমেদাবাদত ভয়ংকৰ দুৰ্ঘটনাত পতিত হোৱা বিমান AI 171ৰ মৰ্মান্তিক দুৰ্ঘটনাৰ মাত্ৰ দুঘণ্টা পূৰ্বে দিল্লীৰ পৰা আহমেদাবাদলৈ এয়াৰ ইণ্ডিয়াৰ বয়িং ৭৮৭-৮ ড্ৰিমলাইনাৰ বিমানতে অহা বুলি দাবী কৰিছে আকাশ ভাটছা নামৰ এগৰাকী যাত্ৰীয়ে। আকাশ ভাটছাই তেওঁৰ যাত্ৰাকালত অৰ্থাৎ এই বিমান দুৰ্ঘটনাৰ পূৰ্বে দিল্লীৰ পৰা আহমেদাবাদলৈ আহোতে বিমানখনত প্ৰত্যক্ষ কৰা কেতবোৰ কাৰিকৰী সমস্যাৰ কথা প্ৰকাশ কৰিছে।
ছ’চিয়েল মিডিয়া প্লেটফৰ্ম (X)ত পোষ্ট কৰি তেওঁ এই বিমানখনত তেওঁৰ যাত্ৰাকালত প্ৰত্যক্ষ কৰা একাধিক বিজুতিৰ কথা প্ৰকাশ কৰিছে, যিবোৰ অতিকৈ চিন্তনীয়। আকাশ ভাটছাই প্ৰকাশ কৰা মতে বিমানখনৰ এয়াৰ কণ্ডিচনাৰে কাম কৰা নাছিল, বিমানৰ ভিতৰত এণ্টাৰটেইনমেণ্ট চিষ্টেমে কাম কৰা নাছিল,cabin crew call button অচল হৈ আছিল আৰু ৰিডিং লাইট ত্ৰুটিপূৰ্ণ আছিল। বিমানৰ ভিতৰত এয়াৰ কণ্ডিচনাৰে কাম নকৰা বাবে যাত্ৰীসকলে আলোচনীৰে নিজকে বিচিব লগা হৈছিল।  

Share This Article
Leave a Comment

Leave a Reply

Your email address will not be published. Required fields are marked *