লণ্ডনত থকা স্বামীক প্ৰথমবাৰলৈ লগ কৰিবলৈ ওলাইছিল খুছবু ৰাজপুৰোহিত। ২৩ বছৰীয়া খুছবুৰ চাৰিমাহ পূৰ্বে সম্পন্ন হৈছিল বিয়া। স্বামী ডাঃ বিপুল ৰাজপুৰোহিত লণ্ডনৰ এখন চৰকাৰী চিকিৎসালয়ত কৰ্মৰত ।
আহমেদাবাদৰ পৰা লণ্ডনলৈ বুলি প্ৰথমবাৰৰ বাবে উৰা মাৰিবলৈ বুলি অভিশপ্ত বিমানখনত উঠিছিল ৰাজস্থানৰ বালোতৰা জিলাৰ নৱবিবাহিতা মহিলা খুছবু ৰাজপুৰোহিতো । ৪ মাহ পূৰ্বে খৰাবেৰা নিবাসী ডাঃ বিপুল ৰাজপুৰোহিতৰ সৈতে বিবাহপাশত আবদ্ধ হৈছিল। ডাঃ বিপুল লণ্ডনৰ এখন চৰকাৰী চিকিৎসালয়ত চিকিৎসক হিচাপে কৰ্মৰত। খুছবুৱে বিয়াৰ পাছত আজি প্ৰথমবাৰৰ বাবে লণ্ডনত স্বামীক লগ কৰিবলৈ যাত্ৰা কৰিছিল।
আহমেদাবাদৰ পৰা লণ্ডনলৈ বুলি অকলেই উৰা মাৰিছিল খুছবু। খুছবুৰ পৰিয়ালৰ সকলো সদস্য আহমেদাবাদত আছে আৰু দুৰ্ঘটনাৰ খবৰ পোৱাৰ লগে লগে তেওঁলোকেও উৎকণ্ঠাৰে তথ্য সংগ্ৰহ কৰি আছে। খুছবু দুৰ্ঘটনাগ্ৰস্ত উৰাজাহাজখনত থকাৰ খবৰ পোৱাৰ পিছতেই পিতৃ আৰু শহুৰৰ দুয়োখন গাঁৱতে শোকাকুল পৰিৱেশৰ সৃষ্টি কৰি শোকস্তব্ধ কৰি তুলিছে।
দুৰ্ঘটনাৰ খবৰ পোহৰলৈ অহাৰ লগে লগে খুছবুৰ জন্মগাঁও আৰবা আৰু শহুৰেকৰ গাঁও খৰাবেৰাত শোকাকুল পৰিৱেশে বিৰাজ কৰিছে। মাত্ৰ কেইটামান ছেকেণ্ডৰ ভিতৰেতে হেৰাই গ’ল ২ শতাধিকৰো অধিক জীৱন।
দুৰ্ঘটনাগ্ৰস্ত বিমানখনে আহমেদাবাদৰ টাৰ্মিনেল ২ৰ পৰা উৰা মাৰিছিল। ৯ ঘণ্টা ৪৫ মিনিটৰ উৰণৰ শেষত বিজয় ৰূপাণীয়ে অৱতৰণ কৰাৰ কথা আছিল গেটৱিকত। লণ্ডনৰ পৰা ২ ঘণ্টাৰ পথত অৱস্থিত এই বিমানবন্দৰ। এয়াৰ ইণ্ডিয়াৰ পক্ষই জনোৱা অনুসৰি , AI171 বিমানখনে বৃহস্পতিবাৰে ৰাতিপুৱা আহমেদাবাদৰ পৰা লণ্ডন গেটৱিকৰ উদ্দেশ্যে ৰাওনা হৈছিল। বিমানবন্দৰৰ সমিপতে দূৰ্ঘটনাত পতিত হয় বিমানখন।
এইটো বোয়িং সংস্থাৰ বি৭৮৭ ড্ৰিমলাইনাৰ বিমান আছিল। এনে প্ৰকাৰৰ বিমানে সৰ্বাধিক ২৯০ ৰ পৰা ৩০০ জন যাত্ৰীৰ কঢ়িয়াব পাৰে বুলি জনা গৈছে। প্রত্যক্ষদৰ্শীৰ দাবী, আহমেদাবাদৰ বিমানবন্দৰ পৰা উৰণৰ কেইটামান ক্ষণৰ ভিতৰতে বিমানখন ভাঙি পৰে। বিমানবন্দৰৰ কাষতে এটা ঘৰৰ ওপৰত পৰাৰ পাছতে বিমানখন অগ্নদগ্ধ হয়। ক'লা ধোঁৱাত আৱৰি ধৰে। এই বিমানে যাত্ৰী আৰু বিমানকৰ্মী মিলি মুঠ ২৪২ জন লোক আছিল। বিমানত যাত্ৰী আৰু বিমানকর্মী মিলাই ১৬৯ জন ভাৰতীয় নাগৰিক আছিল। ইয়াৰ উপৰিও, ৫৩ জন ব্ৰিটিছ নাগৰিক, এজনে কানাডিয়ান আৰু সাত জন পোৰ্তুগীজ নাগৰিক দুৰ্ঘটনাগ্ৰস্ত বিমানত আছিল।
