'ডিটেনচন কেম্পত থকাসকলৰ হৈ মাত মতাটো যদি অপৰাধ তেন্তে মুখ্যমন্ত্ৰীয়ে মোক গ্ৰেপ্তাৰ কৰক'

'ডিটেনচন চেণ্টাৰত থকাসকলৰ হৈ মাত মতাটো যদি অপৰাধ ,তেন্তে মুখ্যমন্ত্ৰী হিমন্ত বিশ্ব শৰ্মাই মোক গ্ৰেপ্তাৰ কৰক'। এইবাৰ মুখ্যমন্ত্ৰী হিমন্ত বিশ্ব শৰ্মাক উভতি ধৰিলে প্ৰাক্তন IAS বিষয়া হৰ্ষ মাণ্ডেৰে। NRC আৰু ডিটেনচন কেম্পৰ প্ৰসংগত মুখ্যমন্ত্ৰী হিমন্তক প্ৰত্যাহ্বান জনালে প্ৰাক্তন IAS বিষয়া হৰ্ষ মাণ্ডেৰে। 

অসমত হোৱা NRC খন ধব্বংস কৰাৰ মূলতে হৰ্ষ মাণ্ডেৰ জড়িত থকা বুলি অভিযোগ কৰিছিল মুখ্যমন্ত্ৰীয়ে। মুখ্যমন্ত্ৰী হিমন্ত বিশ্ব শৰ্মাৰ সেই মন্তব্যৰ সন্দৰ্ভত ছ'চিয়েল মিডিয়াত প্ৰতিক্ৰিয়া প্ৰকাশ কৰিছে প্ৰাক্তন IAS বিষয়া তথা মানৱ অধিকাৰ কৰ্মী হৰ্ষ মাণ্ডেৰে। ডিটেনচন চেণ্টাৰত থকাসকলৰ হৈ মাত মতাটো যদি অপৰাধ , তেতিয়াহ'লে হিমন্ত বিশ্ব শৰ্মাই মোক গ্ৰেপ্তাৰ কৰক বুলি দাবী কৰিলে হৰ্ষ মাণ্ডেৰে। X হেণ্ডেলত মুখ্যমন্ত্ৰীক প্ৰত্যাহ্বান জনাই এই বিশেষ পোষ্ট কৰিছে মানৱ অধিকাৰ কৰ্মী হৰ্ষ মাণ্ডেৰে। 

একালত হৰ্ষ মাণ্ডেৰ কংগ্ৰেছ নেত্ৰী ছোনিয়া গান্ধীৰ ৰাষ্ট্ৰীয় উপদেষ্টা কমিটিৰ সদস্য আছিল বুলি সংবাদমেলত দাবী কৰিছিল মুখ্যমন্ত্ৰীয়ে। 'মোৰ দিনত যদি হৰ্ষ মাণ্ডেৰ আহিলহেতেন তেন্তে মইটো জে'লত দিলো হেতেন বুলি মন্তব্য কৰিছিল মুখ্যমন্ত্ৰীয়ে। যদি মই মুখ্যমন্ত্রী থাকোতে NRC হ'লহেঁতেন, মই আইনৰ মাধ্যমেৰে তেতিয়াই খালাচ কৰি দিলোহেঁতেন বুলি দাবী কৰিছিল হিমন্ত বিশ্ব শৰ্মাই।