২৭ বছৰৰ পাছত একেটা ছিট নম্বৰেই অনুৰূপ মৃত্যুগহ্বৰৰ পৰা প্ৰাণ বচালে আন এজনৰ । আহমেদাবাদৰ অভিশপ্ত বিমানখনৰ পৰা জীৱন্তে ওলাই অহা একমাত্ৰ যাত্ৰী ৰমেশ কুমাৰ বিশ্বাসৰ ছিট নম্বৰ আছিল 11A। এই একেখন আসনৰ যাত্ৰী হৈয়েই অনুৰূপ ভয়ংকৰ বিমান দুৰ্ঘটনাত একমাত্ৰ জীৱন ৰক্ষা পৰিছিল থাইলেণ্ডৰ গায়ক ৰুৱাংছাক লয়চুছাকৰ। ১৯৯৮ চনত থাই এয়াৰৱেজৰ বিমান TG261 জলাশয়ত সৰি পৰাৰ ফলত একমাত্ৰ ৰুৱাংছাকৰ বাদে নিহত হৈছিল সকলো যাত্ৰী । ভাৰতৰ ৰমেশ কুমাৰ বিশ্বাসৰ অবিশ্বাস্য প্ৰাণ ৰক্ষাৰ কথা শুনি ২৭ বছৰ পুৰণি স্মৃতি সুঁৱৰি আৱেগিক হৈ পৰিছে থাই শিল্পীজন।
বৃহস্পতিবাৰে গুজৰাটৰ আহমেদাবাদত সংঘটিত এয়াৰ ইণ্ডিয়াৰ বিমানৰ ভয়ংকৰ দুৰ্ঘটনাত প্ৰাণ ৰক্ষা পৰিছিল ৰমেশ কুমাৰ বিশ্বাসৰ। জীৱন্তে ওলাই অহা একমাত্ৰ যাত্ৰী ৰমেশ কুমাৰ বিশ্বাসৰ ছিট নম্বৰ আছিল 11A। ১৯৯৮ চনত থাই এয়াৰৱেজৰ বিমান TG261 জলাশয়ত সৰি পৰাৰ ফলত সেই ভয়ংকৰ দুৰ্ঘটনাটোত একামাত্ৰ প্ৰাণ ৰক্ষা পৰিছিল একেই চিট নম্বাৰত বহা যাত্ৰী থাইলেণ্ডৰ গায়ক ৰুৱাংছাক লয়চুছাকৰ। আহমেদাবাদৰ বিমান দুৰ্ঘটনাত 11A নম্বৰৰ চিটত বহা ৰমেশ কুমাৰ বিশ্বাসৰ প্ৰাণ ৰক্ষা পৰাৰ পিছতেই ২৭ বছৰ পুৰণি স্মৃতি সুঁৱৰি আৱেগিক হৈ X হেণ্ডেলত টুইট কৰে।
বৃহস্পতিবাৰে চৰ্দাৰ বল্লভভাই পেটেল আন্তঃৰাষ্ট্ৰীয় বিমান বন্দৰৰ সমীপতে দুৰ্ঘটনাত পতিত হৈছিল এয়াৰ ইণ্ডিয়াৰ যাত্ৰীবাহী বিমানখন। লণ্ডন অভিমুখি বিমানখনৰ উৰণৰ কিছুসময়ৰ পাছতেই সংঘটিত হৈছিল ভয়ংকৰ দুৰ্ঘটনা। আহমেদাবাদৰ মেঘানী নগৰৰ এটা আবাসিক অঞ্চলত ভূপতিত হৈছিল বিমানখন।
আহমেদাবাদৰ পৰা লণ্ডন গেটৱেইক বিমানবন্দৰলৈ উৰা মাৰিছিল এয়াৰ ইণ্ডিয়াৰ এআই ১৭১ বিমানখন। উৰণৰ পাঁচ মিনিটৰ ভিতৰতে জনাঞ্চলৰ ওপৰত ভূপতিত হয় বিমানখন। এই বিমানে যাত্ৰী আৰু বিমানকৰ্মী মিলি মুঠ ২৪২ জন লোক আছিল। ইয়াৰে ১৬৯ জনেই ভাৰতীয়, তাৰ উপৰিও ৫৩ জন ব্ৰিটিছ নাগৰিক । এয়াৰ ইণ্ডিয়াৰ বিমান সংস্থাটোৱে এখন বিবৃতি প্ৰকাশ কৰিছে সমগ্ৰ ঘটনা সন্দৰ্ভত। বিমানে যাত্ৰী সংখ্যা ২৩০। দুজন পাইলট সহ মুঠ১২ জন আছিল বিমানকৰ্মী। বিমানত যাত্ৰী আৰু বিমানকর্মী মিলাই ১৬৯ জন ভাৰতীয় নাগৰিক আছিল। ইয়াৰ উপৰিও, ৫৩ জন ব্ৰিটিছ নাগৰিক, এজনে কানাডিয়ান আৰু সাত জন পোৰ্তুগীজ নাগৰিক দুৰ্ঘটনাগ্ৰস্ত বিমানত আছিল।
এই দুৰ্ঘটনাত বৰ্তমানলৈকে মৃত্যুৰ সংখ্যা বৃদ্ধি পালে ২৭৫লৈ।
