বাঘজান কাণ্ডৰ পুনৰাবৃত্তিৰ আশংকা! RDS -147 ৰীগত অনিয়ন্ত্ৰিতভাৱে গেছ নিৰ্গমনৰ আজি তৃতীয়টো দিন

শিৱসাগৰৰ ভটিয়াপাৰস্থিত অ' এন জি চিৰ RDS 147 ৰীগত আজি তৃতীয়টো দিনটো অহৰহ ব্যাপক মাত্ৰাত গেছ নিৰ্গমন হৈ আছে। ONGCAয়ে গেছ নিৰ্গমন বন্ধ কৰিবলৈ চেষ্টা অব্যাহত ৰাখিছে যদিও চূড়ান্ত ব্যৰ্থ হৈছে। ফলত ৰীগটোৰ দাঁতি-কাষৰীয়া অঞ্চলত তৈল পদাৰ্থৰ গোন্ধই চানি ধৰিছে। গেছ নিৰ্গমন বন্ধ কৰিবলৈ আৰু কিমান সময় লাগিব তাৰো কোনো উত্তৰ নাই ONGCৰ ওচৰত। কেৱল এটা প্ৰেছ বিবৃতি দিয়েই দায়িত্ব সামৰিছে অ' এন জি চিয়ে।
অন্যহাতে বিপদৰ শংকা কৰি  ৰীগটোৰ সমীপৰ  ৪৭টাৰো অধিক পৰিয়ালক  আশ্ৰয় শিৱিৰলৈ স্থানান্তৰ কৰা হৈছে যদিও যদিও প্ৰয়োজনীয় সা সুবিধা নিদিয়া বুলি তীব্ৰ ক্ষোভ প্ৰকাশ কৰিছে। তিনিদিন সময় দিয়া হ'ল আৰু সহ্য কৰা নহ'ব বুলি হুংকাৰ দিছে ৰাইজে ।
স্থানীয় ৰাইজে জনোৱা অনুসৰি, তীব্ৰ গোন্ধত স্থানীয় ৰাইজৰ উশাহ-নিশাহ লোৱাত অসুবিধা সৃষ্টি হৈছে। অহৰহ গেছ নিৰ্গমনে জৈৱ বৈচিত্ৰৰ প্ৰতিও ভাবুকি কঢ়িয়াই আনিছে। 
আজি শিৱসাগৰ জিলাৰ ভটিয়াপাৰ বাৰীচুক অঞ্চলত অ এন জি চিৰ তৈল খাদত গেছ নিৰ্গমনৰ প্ৰচণ্ড শব্দত এজনৰ মৃত্যু হোৱা বুলি অভিযোগ উঠিছে । প্ৰচণ্ড শব্দত হৃদক্ৰিয়া বন্ধ হৈ নৰেন গগৈ(৬৫) নামৰ ব্যক্তিগৰাকীৰ মৃত্যু হোৱা বুলি অভিযোগ পৰিয়ালৰ লোকৰ ।

Share This Article
Leave a Comment

Leave a Reply

Your email address will not be published. Required fields are marked *