বিশ্বজুৰি ধিক্কাৰ গঞ্জনাৰ সন্মুখীন হোৱাৰ পাছত সিদ্ধান্ত সলনি কৰিবলৈ বাধ্য হ'ল আমেৰিকা

বিশ্বজুৰি ধিক্কাৰ গঞ্জনাৰ সন্মুখীন হোৱাৰ পাছত সিদ্ধান্ত সলনি কৰিবলৈ বাধ্য হ'ল আমেৰিকা। পাকিস্তানৰ সেনা প্ৰধানক আমন্ত্ৰণ দিয়া হোৱা নাই মাৰ্কিন যুক্তৰাষ্ট্ৰৰ সেনা দিৱসলৈ। মাৰ্কিন যুক্তৰাষ্ট্ৰৰ সেনা দিৱসত পাকিস্তানৰ সেনা প্ৰধান আছিফ মুনীৰ উপস্থিতি থাকিব বুলি বাতৰি প্ৰকাশ পাইছিল। ১৪ জুনত অনুষ্ঠিত হ'ব হোৱা আমেৰিকাৰ ২৫০ সংখ্যক সেনা দিৱসৰ পেৰেডত উপস্থিত থকাৰ কথা আছিল পাকিস্তানৰ সেনা প্ৰধান। আমেৰিকাৰ এই সিদ্ধান্তৰ পাছতেই তীব্ৰ প্ৰতিক্ৰিয়া সৃষ্টি হৈছিল ভাৰতত। আমেৰিকাৰ এই সিদ্ধান্তই ভাৰতৰ সৈতে থকা কূটনৈতিক সম্পৰ্কক ব্যাঘাত কৰিব বুলিও দাবী কৰিছিল কংগ্ৰেছে। অৱশ্যে পাকিস্তানৰ সেনা প্ৰধানক আমেৰিকাৰ সেনা দিৱসলৈ আমন্ত্ৰণ দিয়া হোৱা নাই বুলি স্পষ্ট কৰিলে হোৱাইট হাউচে। 
১৪ জুনত আমেৰিকাত অনুষ্ঠিত হোৱা ২৫০ সংখ্যক সেনা দিৱসত উপস্থিত নহ'ল পাকিস্তানৰ সেনা প্ৰধান আছিফ মুনীৰ। উল্লেখযোগ্য যে,একেটা দিনতে ৭৯ সংখ্যক জন্মদিন আছিল আমেৰিকাৰ ৰাষ্ট্ৰপতি ড'নাল্ড ট্ৰাম্পৰ। সেই উদ্দেশ্যে ১২ জুনত আমেৰিকাৰ আমেৰিকাৰ ৱাছিংটন ডি চি ত উপস্থিত হোৱাৰ কথা আছিল পাকিস্তানৰ সেনা প্ৰধান আছিফ মুনীৰ। ভাৰতৰ সৈতে বাণিজ্যিক নীতি সম্প্ৰসাৰণ কৰিব বিচৰা আমেৰিকাই সেনা দিৱসৰ অতিথি হিচাপে মুনীৰক আমন্ত্ৰণ দিয়াক লৈ সৃষ্টি হৈছিল প্ৰতিক্ৰিয়া। ভাৰত-পাকিস্তানৰ মাজত হোৱা যুদ্ধ বিৰতিত সন্দৰ্ভত মধ্যস্থতা কৰা বুলি বিশ্বজুৰি ঢোল পিতিছিল মাৰ্কিন ৰাষ্ট্ৰপতি ড'নাল্ড ট্ৰাম্পে। অৱশ্যে পৰৱৰ্তী পৰ্যায়ত আমেৰিকাৰ ৰাষ্ট্ৰপতি গৰাকীয়ে লোৱা মিথ্যাচাৰ উদঙাই দিছিল ভাৰতৰ বৈদেশিক মন্ত্ৰী এছ জয়শংকৰে। 

Share This Article
Leave a Comment

Leave a Reply

Your email address will not be published. Required fields are marked *