২৭০ গৰাকী লোকৰ প্ৰাণ লোৱা।অভিশপ্ত বিমান দুৰ্ঘটনাৰ আঁৰত তুৰ্কী জড়িত আছিল নেকি বুলি প্ৰশ্ন কৰিলে বাবা ৰামাদেৱে। বাবা ৰামদেৱৰ সন্দেহ, ভাৰতৰ বিৰুদ্ধে প্ৰতিশোধ ল'বলৈ যাত্ৰীবাহী বিমানক টাৰ্গেট কৰিছিল নেকি তুৰ্কীয়ে ?
বাবা ৰামদেৱৰ অভিযোগ অনুসৰি,অসামৰিক বিমান পৰিবহন সেৱাৰ মেৰামতিৰ সৈতে জড়িত আছিল তুৰ্কীৰ এটা এজেঞ্চি। গতিকে ভৱিষ্যতলৈ ভাৰতে অসামৰিক বিমান সেৱাৰ মেৰামতিৰ ক্ষেত্ৰত সতৰৰ্কতা অৱলম্বন কৰিব লাগিব বুলি দাবী কৰে যোগ গুৰু বাবা ৰামদেৱে।ভাৰতৰ এনে সংবেদনশীল বিষয়ত বিদেশী ৰাষ্ট্ৰৰ প্ৰভাৱ হ্ৰাস কৰাৰ প্ৰয়োজন বুলি দাবী কৰিলে বাবা ৰামদেৱে।
বিমান দুৰ্ঘটনাৰ সন্দৰ্ভত ANI ত বাবা ৰামদেৱে দিয়া মন্তব্যক লৈ দেশজুৰি সৃষ্টি হৈছে চাঞ্চল্য।
২০২৫ চনৰ ফেব্ৰুৱাৰী মাহত তুৰ্কীৰ এটা কোম্পানীৰ সৈতে বয়িং 787 বিমানৰ মেৰামতিৰ বাবে এয়াৰ ইণ্ডিয়া এক্সপ্ৰেছে চুক্তি স্বাক্ষৰ কৰিছিল বুলি একাংশই দাবী কৰিছিল।অৱশ্যে একাংশ লোকে এয়াৰ ইণ্ডিয়া এক্সপ্ৰেছ আৰু তুৰ্কীৰ কোম্পানীৰ মাজত চুক্তি হোৱা বুলি কৰা দাবীক নস্যাৎ কৰিছে তুৰ্কীৰ সংবাদ মাধ্যমে।
শেহতীয়াকৈ পাকিস্তানক মুকলি সমৰ্থন দি ভাৰতৰ শত্ৰু ৰাষ্ট্ৰ হৈ পৰিছিল তুৰ্কী।'অপাৰেচন সিন্দূৰ'ৰ সময়ত ভাৰতৰ বিৰুদ্ধে যুদ্ধ কৰিবলৈ পাকিস্তানক মাৰাণাস্ত্ৰ যোগান ধৰিছিল তুৰ্কীয়ে।
