পাষণ্ডৰ কামনাৰ বলি হৈ বয়স ফাঁকি দি সন্তান প্ৰসৱ নাবালিকাৰ। ১৮ বছৰ বয়সৰ বুলি সন্তান প্ৰসৱ কৰোৱা নাবালিকাৰ মেট্ৰিকৰ এডমিটত ওলাল ১৬ বছৰ। সদ্যজাত দেৱশিশুক তুলি লৈ পায়ো হেৰোৱাৰ বেদনা এক সন্তানহীন দম্পতীৰ!আৰক্ষীৰ তদন্তৰ আওঁতালৈ আহিল নাবালিকা মাতৃৰ সদ্যজাত সন্তানৰ জন্মবৃত্তান্ত!
এটি নৱজাতকক তুলি লৈ বিপদত টীয়কৰ এহাল দম্পত্তি। এগৰাকী নাবালিকাই বয়স ফাঁকি দি সন্তান জন্ম দিয়াৰ কথা পোহৰলৈ অহাৰ পাছতেই লাগিছে অথন্তৰ। ঘটনা অনুসৰি নৱজাতকটিৰ জন্মদাত্ৰী মাতৃয়ে নিজৰ বয়স ১৮ বছৰ বুলি অৱগত কৰিছিল চিকিৎসালয়ত।
কিন্তু ১৮ বছৰৰ বুলি সন্তান প্ৰসৱ কৰোৱা নাবালিকাৰ মেট্ৰিকৰ এডমিটত ওলাল ১৬ বছৰ।এই সমগ্ৰ বিষয়টোৰ সন্দৰ্ভত যোৰহাট আৰক্ষীৰ অৱগত হোৱাত শিশু সুৰক্ষা বিভাগৰ সহযোগত নিশা টীয়কৰ পৰা উদ্ধাৰ কৰে ২৫ দিনীয়া দেৱ শিশুটি।
অভিযোগ অনুসৰি, নাবালিকাগৰাকীক বিয়াৰ প্ৰলোভন দি অন্ত:সত্বা কৰিছিল এটা পাষণ্ডই।
অসৎ চৰিতাৰ্থ পুৰণ কৰিয়েই পলায়ন কৰিছিল পাষণ্ডটো। অন্ত:সত্বা কিশোৰী গৰাকীক ২০ মে'ত পৰিয়ালৰ লোকে ভৰ্তি কৰিছিল JMCH ত। নাবালিকা হোৱাৰ বাবেই পৰিয়ালৰ লোকে JMCH ত কিশোৰী গৰাকীৰ বয়স ১৮ বছৰ বুলি ফাঁকি দি কৰাইছিল প্ৰসৱ। কিন্তু মেৰ্ট্ৰিকৰ এডমিড কাৰ্ডৰ মতে কিশোৰী গৰাকীৰ প্ৰকৃত বয়স ১৬ বছৰ বুলিহে পোহৰলৈ অহাৰ পাছতে সমগ্ৰ বিষয়টো আৰক্ষীৰ আওতালৈ যায়।
ইপিনে JMCH ত সন্তান প্ৰসৱ কৰাৰ পাছতে পৰিয়ালটোৱে নৱজাতক শিশুটিক নিজ ইচ্ছামতে তুলি দিছিল টীয়কৰ এটা সন্তানহীনা পৰিয়ালৰ হাতত।উল্লেখযোগ্য যে টীয়কৰ সন্তানহীনা পৰিয়ালটোৱে ২০২১ চনৰ নৱেম্বৰ মাহত central adoption resource authority তএটি সন্তান বাবে আবেদন কৰিছিল আৰু নীতিগতভাৱে বহুসময়ত এটি সন্তান তুলি লবলৈ বিভিন্নজনৰ সৈতে যোগাযোগো কৰিছিল।সেই মৰ্মেই ইচ্ছা প্ৰকাশ কৰি দেৱশিশুটিক তুলি লৈছিল টীয়কৰ এই পৰিয়ালটিয়ে।সমগ্ৰ ঘটনা তদন্তৰ আওঁতালৈ অহাৰ পিছতেই শিশুটিক নিশা শিশু সুৰক্ষা কৰ্তৃপক্ষৰ সহযোগত উদ্ধাৰ কৰে টিয়ক আৰক্ষীয়ে। ২৫ দিনীয়া দেৱশিশুটি পায়ো হেৰুৱাই কি কলে ভূক্তভোগী পৰিয়ালটোৱে।
