সহজেই আৰু মেঘালয়লৈ যাব নোৱাৰিব পাৰে পৰ্যটক। ৰাজা ৰঘূবংশীৰ হত্যাকাণ্ডৰ পাছতেই 'ইনাৰ লাইন পাৰ্মিট' ব্যৱস্থাৰ দাবী উত্থাপিত হৈছে মেঘালয়ত।
ৰাজা ৰঘূবংশীৰ হত্যাকাণ্ডৰ পাছতেই দেশজুৰি মেঘালয়ক লৈ বিয়পি পৰিছিল বিভ্ৰান্তিকৰ তথ্য।ৰাজা ৰঘূবংশীৰ হত্যাকাণ্ডত মেঘালয়ৰ জনজাতীয় লোকৰ হাত থাকিব বুলি সৃষ্টি হোৱা প্ৰচাৰক লৈ অস্বস্তিত পৰিছিল ৰাজ্যখনৰ জনতা।ৰাজা ৰঘূবংশীৰ হত্যাকাণ্ড সংঘটিত কৰি মেঘালয়ৰ পৰা নিৰাপদে ওলাই গৈছিল হত্যা কাৰী সোনম আৰু তেওঁৰ পৰকীয়া প্ৰেমিক ৰাজ। ৰাজা ৰঘূবংশীৰ হত্যাকাণ্ডক লৈ মেঘালয় আৰক্ষীৰ ওপৰতো সৃষ্টি হৈছিল বহুবোৰ প্ৰশ্ন। সেয়েহে মেঘালয়ত যাতে সেই ঘটনাৰ পুনৰাবৃত্তি যাতে নহয় তাৰ বাবে 'ইনাৰ লাইন পাৰ্মিট' ব্যৱস্থা প্ৰৱৰ্তন কৰিবলৈ দাবী উত্থাপিত হৈছে। উত্তৰ পূবৰ মিজোৰাম,নাগালেণ্ড,অৰুণাচল প্ৰদেশ,মণিপুৰত প্ৰৱৰ্তন হৈ আছে 'ইনাৰ লাইন পাৰ্মিট' ব্যৱস্থা।
ইতিমধ্যে মেঘালয়ৰ বিধানসভাতো 'ইনাৰ লাইন পাৰ্মিট' ব্যৱস্থা প্ৰৱৰ্তন কৰিব লাগে বুলি গ্ৰহণ কৰা হৈছিল সৰ্বসন্মত প্ৰস্তাৱ। মেঘালয়ত 'ইনাৰ লাইন পাৰ্মিট' ব্যৱস্থা প্ৰৱৰ্তন কৰিবলৈ কেন্দ্ৰীয় গৃহ মন্ত্ৰীক স্মাৰক পত্ৰও প্ৰদান কৰিছিল স্থানীয় ৰাজনৈতিক দলে। 'ইনাৰ লাইন পাৰ্মিট' ব্যৱস্থা কাৰ্যকৰী কৰিলে মেঘালয়ত প্ৰৱেশ কৰা পৰ্যটকৰ সবিশেষ তথ্য থাকিব ৰাজ্য চৰকাৰৰ হাতত। মেঘালয়ত প্ৰৱেশ কৰা পৰ্যটকক ট্ৰেকিং কৰিবলৈ ৰাজ্য চৰকাৰে পৰ্যটকৰ পঞ্জীয়ন বাধ্যতামূলক কৰিছে 'পৰ্যটন ট্ৰেকিং এ'পছ'ত। অৰ্থাৎ মেঘালয়ৰ ভ্ৰমণলৈ যোৱা প্ৰতিগৰাকী পৰ্যটকক ট্ৰেকিং কৰা হ'ব 'পৰ্যটন ট্ৰেকিং এ'পছ'ত।
উল্লেখযোগ্য যে,'ইনাৰ লাইন পাৰ্মিট' ব্যৱস্থা অসমতো কাৰ্যকৰী কৰিবলৈ দাবী উত্থাপিত হৈ আহিছে যদিও গুৰুত্ব নাই কেন্দ্ৰৰ।
