Meta কোম্পানীয়ে সোমবাৰে ঘোষণা কৰিছে যে এতিয়া ব্যৱসায়িক প্ৰতিষ্ঠানসমূহে WhatsAppৰ Updates Tabৰ Status ৰ জড়িয়তে বিজ্ঞাপন দিব পাৰিব। এই বিজ্ঞাপনসমূহ ব্যৱহাৰকাৰীৰ ব্যক্তিগত বাৰ্তা আৰু কলৰ পৰা পৃথক হ'ব আৰু বিজ্ঞাপনসমূহ কেৱল Updates টেবত সীমাবদ্ধ থাকিব। এই বিজ্ঞাপনসমূহৰ মূল উদ্দেশ্য হ’ল ব্যৱসায় আৰু গ্ৰাহকৰ মাজত বাৰ্তালাপৰ সুবিধা দিয়াৰ জৰিয়তে বাণিজ্যিক সম্পৰ্ক গঢ়ি তোলা।
২০১৪ চনত Meta য়ে ১৯ বিলিয়ন ডলাৰত WhatsApp ক্ৰয় কৰিছিল। এতিয়া বহু বছৰৰ পিছত প্রথমবাৰৰ বাবে WhatsAppত বিজ্ঞাপন দিয়া বাবে সাজু হৈছে Meta।
বিশ্বজুৰি WhatsAppৰ এতিয়া ৩ বিলিয়নৰো অধিক মাহিলী ব্যৱহাৰকাৰী আছে। কেৱল আমেৰিকাতে ১০ কোটিতকৈ বেছি মানুহে WhatsApp ভ্যৱহাৰ কৰে। Metaই জনোৱা অনুসৰি WhatsApp ৰ জড়িয়তে ব্যৱসায় আৰু গ্ৰাহকৰ মাজত বার্তালাপ কৰিব পাৰিব যি পৰৱৰ্তী আয়ৰ মুখ্য উৎস হৈ পৰিব। Metaয়ে ইতিমধ্যে ফেচবুক আৰু ইষ্টাগ্ৰামত click-to-message বিজ্ঞাপনৰ জৰিয়তে ব্যৱসায়িক প্ৰতিষ্ঠানসমূহক WhatsAppলৈ আহিবলৈ সুবিধা কৰি দিছিল। যিটো এতিয়া WhatsAppটো সম্ভৱ হ’ব।
২০২৩ চনৰ জুনত Updates Tabৰ সৈতে Metaয়ে নতুন চেনেল ফিচাৰ আৰম্ভ কৰিছিল, তাৰ জৰিয়তে বিভিন্ন ব্যক্তি আৰু সংগঠনে নিজৰ অনুসৰণকাৰীক Broadcast Messages প্ৰেৰণ কৰিব পাৰে। Metaয়ে এই চেনেলৰ ফিচাৰটোও আৰ্থিকভাৱে লাভজনক বনাবলৈ পদক্ষেপ লৈছে। চেনেলৰ প্ৰশাসকে এতিয়া নিজৰ চেনেলৰ views বৃদ্ধিৰ বাবে বিজ্ঞাপন দিব পাৰিব, Apple আৰু Google ৰ App Storeৰ বিজ্ঞাপন প্ৰণালীৰ দৰে। লগতে, চেনেলৰ বাবে মাহিলী সদস্যতা ব্যৱস্থাও আৰম্ভ হ’ব, য’ত বিশেষ তথ্য আৰু আপডেটৰ বাবে ব্যৱহাৰকাৰীয়ে ধন দিব লাগিব।
Metaএ জনাইছে যে, দেশ, চহৰ, ডিভাইচ, ভাষা আদিৰ ভিত্তিত বিজ্ঞাপন নিৰ্ধাৰণ কৰিব। তথাপিও, ব্যৱহাৰকাৰীৰ ব্যক্তিগত বাৰ্তা আৰু Status সম্পূৰ্ণৰূপে এনক্রিপ্টেড হৈ থাকিব। Metaৰ ব্যৱসায়িক মেছেজিং বিষয়া Nikila Srinivasan-এ কয় যে , “Updates Tabটোৱেই এই নতুন বৈশিষ্ট্যবোৰৰ বাবে উপযুক্ত স্থান।” এই পদক্ষেপ Metaৰ বাবে কেৱল আয় বৃদ্ধিৰ পথেই নহয়, বৰঞ্চ WhatsAppৰ জৰিয়তে ডিজিটেল বাণিজ্যৰ এখন নতুন অধ্যায় আৰম্ভ কৰাৰ লক্ষ্য Metaৰ ।
