হিতাধিকাৰী হ'ল ৰাজ্য চৰকাৰৰ প্ৰভাৱশালি মন্ত্ৰীৰ পত্নী। দুগ্ধ পাম স্থাপনৰ নামত ৰাজসাহায্য লাভ কৰিছে মন্ত্ৰীৰ পত্নীয়ে। এইবাৰ হিতাধিকাৰীৰ দৌৰত মন্ত্ৰী জয়ন্ত মল্ল বৰুৱাৰ পত্নী। মুখ্যমন্ত্ৰী ঘনিষ্ঠ মন্ত্ৰী জয়ন্ত মল্ল বৰুৱাৰ পত্নীৰ নামত চৰকাৰী ৰাজ সাহাৰ্যৰ আঁচনি আৱণ্টন। চৰকাৰে দুগ্ধ পাম স্থাপনৰ বাবে দিয়া আঁচনিত অন্তৰ্ভুক্ত হৈছে মন্ত্ৰী জয়ন্ত পত্নী জুলি ডেকা বৰুৱাৰ নাম। দুগ্ধ উন্নয়ন সঞ্চালকালয়ে প্ৰকাশ কৰিছে তালিকা। ১৫জনীয়া হিতাধিকাৰী তালিকাৰ ১৩নম্বৰত আছে মন্ত্ৰী জয়ন্ত মল্ল বৰুৱাৰ পত্নীৰ নাম। দুগ্ধ পাম স্থাপনৰ বাবে ৩০% চৰকাৰী ৰাজসাহাৰ্য পাব তালিকাভুক্ত হিতাধিকাৰীয়ে। হিতাধিকাৰীসকলে লাভ কৰিব প্ৰায় ৫০লাখ টকাৰ ৰাজসাহায্য। প্ৰদেশ কংগ্ৰেছে সংবাদমেলৰ জড়িয়তে ফাদিল কৰিছে এই তথ্য।
ইয়াৰ পূৰ্ৱে খোদ মুখ্যমন্ত্ৰী ড: হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাইৰ নামো চৰ্চালৈ আহিছিল এই প্ৰসংগত। ৰাজসাহয্য লাভ কৰা বিষয়টোৱে ৰাজ্যৰ ৰাজনীতিত তোলপাৰ লগাইছিল। ভাৰত চৰকাৰৰ খাদ্য – সংসাধন মন্ত্ৰালয়ৰ পৰা ‘প্ৰধানমন্ত্ৰী কিষাণ সম্পদ যোজনা’ আঁচনিৰ অধীনত উদ্যোগ স্থাপনৰ বাবে ৰাজসাহায্য বিচাৰি ভাৰত চৰকাৰৰ ওচৰত আবেদন দাখিল কৰিছিল। মুখ্যমন্ত্ৰীৰ পৰিয়ালৰ মালিকানাধীন প্ৰাইড ইষ্ট এণ্টাৰটেইনমেণ্ট প্ৰাইভেট লিমিটেডে মোদী চৰকাৰৰ পৰা ১০ কৌটি টকাৰ ৰাজসাহায্যত অনুমোদন লাভ কৰিছিল ফুড প্ৰচেচিঙ ইণ্ডাষ্ট্ৰী স্থাপনৰ বাবে৷ অৱশ্যে পৰৱৰ্তি সময়ত এই বিষয়টো পোহৰলৈ অহাত , আৱন্টিত ধন বাতিল কৰা হৈছিল।
এইবাৰ হিমন্ত বিশ্ব শৰ্মাৰ মন্ত্ৰীসভাৰ প্ৰভাৱশালী মন্ত্ৰী জয়ন্ত মল্ল বৰুৱাৰ পত্নীৰ নাম দুগ্ধ পাম স্থাপনৰ বাবে প্ৰায় ৫০লাখ টকাৰ ৰাজসাহায্যৰ তালিকাত অন্তভূক্ত হোৱাৰ কথা পোহৰলৈ আহাৰ পিছতেই পুনৰ চৰ্চিত হৈ পৰিছে এই বিষয়টো।
