ছ'চিয়েল মিডিয়াত সক্ৰিয় হৈ থকা ভুৱা ফেচবুক একাউণ্টৰ বিৰুদ্ধে সৰৱ মুখ্যমন্ত্ৰী। ছ'চিয়েল মিডিয়া এতিয়া এচাম মানুহৰ বাবে হৈ পৰিছে ডাঙৰ অস্ত্ৰ হৈ পৰিছে বুলি দাবী কৰিলে মুখ্যমন্ত্ৰীয়ে। ৪৭ খনকৈ ইছলামিক ৰাষ্ট্ৰৰ পৰা পৰিচালিত হৈছে অসম কংগ্ৰেছৰ ফেচবুক একাউণ্ট! ইছলামিক ৰাষ্ট্ৰৰ পৰা ৫ হাজাৰ ফেচবুক একাউন্টে কাম কৰি আছে অসম কংগ্ৰেছৰ বাবে! শুকুৰবাৰে সংবাদমেল অনুষ্ঠিত কৰি এই চাঞ্চল্যকৰ তথ্য প্ৰকাশ কৰিছে মুখ্যমন্ত্ৰী হিমন্ত বিশ্ব শৰ্মাই।
বিগত মাহৰ পৰা অসমত ইছলামিক ৰাষ্ট্ৰৰ পৰা পৰিচালিত ফেচবুক একাউণ্ট সক্ৰিয় হৈ আছে বুলি দাবী মুখ্যমন্ত্ৰীৰ। ইৰাণ, পেলেষ্টাইন আৰু বাংলাদেশৰ পৰা পৰিচালিত ফেচবুক একাউন্ট চিনাক্ত কৰিছে মুখ্যমন্ত্ৰীয়ে। ইছলামিক ৰাষ্ট্ৰৰ পৰা অসমত সক্ৰিয় হৈ থকা ২,০৯২ টা ফেচবুক একাউণ্ট চিনাক্ত কৰা হৈছে বুলি দাবী মুখ্যমন্ত্ৰীৰ। ইছলামিক ৰাষ্ট্ৰৰ পৰা পৰিচালিত ফেচবুক একাউণ্ট সমূহে কংগ্ৰেছৰ কেইজনমান নেতাৰ সমৰ্থনত কাম কৰাৰ অভিযোগ মুখ্যমন্ত্ৰীৰ। ২০২৬ ৰ বিধানসভা নিৰ্বাচনৰ পূৰ্বে বিদেশী ৰাষ্ট্ৰৰ পৰি পৰিচালিত ফেচবুক একাউন্টে অসমত সৃষ্টি কৰিব পাৰে সমস্যা।
ইতিমধ্যে বিষয়টো কেন্দ্ৰীয় চৰকাৰক অৱগত কৰা হৈছে বুলি দাবী কৰিলে মুখ্যমন্ত্ৰীয়ে। বৰ্তমান অসমৰ ফেচবুকত ৭০০তকৈ বেছি একাউন্ট বাংলাদেশী আৰু ৩৫০ একাউন্ট পাকিস্তানৰ পৰা সক্ৰিয় হৈ আছে! সেই সকলোবোৰ ভুৱা ফেচবুক একাউন্টৰ তালিকা প্ৰস্তুত কৰিলে মুখ্যমন্ত্ৰী হিমন্ত বিশ্ব শৰ্মাই। মৌলবাদী ভাৱধাৰাৰে ভুৱা ফেচবুক একাউন্ট চলাই থকা সকলৰ বিৰুদ্ধে ব্যৱস্থা গ্ৰহণৰো ইংগিত দিলে মুখ্যমন্ত্ৰীয়ে।
