কন্যা সন্তান জন্ম দিয়াই কাল হৈছে এগৰাকী মাতৃৰ বাবে

কন্যা সন্তান জন্ম দিয়াই কাল হৈছে এতিয়া  এগৰাকী মহিলাৰ । প্ৰতিদিনে স্বামীৰ চৰ,ঘোচা,লাঠ খাই দিন আগবঢ়াব লগা হৈছে এইগৰাকী দুৰ্ভগীয়া মহিলাই। কেৱল পত্নীকেই নহয় ৩ কন্যা সন্তানকো কোবাই ৰোগীয়া কৰি পেলোৱাৰ অভিযোগ পিতৃ তথা স্বামীৰ বিৰুদ্ধে মহিলাগৰাকীৰ। তিনিগৰাকী কন্যা সন্তান জন্ম দিয়াৰ বাবে নিৰ্যাতনৰ বলি হৈছে স্বামী গৃহৰ ।স্বামীৰ মাৰপিটৰ দৃশ্য বন্দী হৈছে কেমেৰাত ,যি দৃশ্য আমি দেখুনাবলৈ অক্ষম। কেৱল এয়াই নহয় সন্তানকো কৌশলৰে হত্যাৰ অপচেষ্ঠা কৰাৰ অভিযোগ স্বামীৰ বিৰুদ্ধে । ।

কন্যা সন্তান জন্ম হোৱাৰ বাবে স্বামীয়ে ইতিমধ্যে কৰিছে দ্বিতীয় বিবাহ । কন্যা সন্তান জন্ম দিয়া মহিলাগৰাকী এতিয়া ন্যায় বিচাৰি কাষ চাপিছে হোজাই আৰক্ষী অধিক্ষকৰ । এই ঘটনা উদালী বৰজুহা গাঁৱত ঘটিছে। উদালী বৰজুহা গাঁৱৰ আজিৰউদ্দিন নামৰ ব্যক্তিজনে পত্নীৰ ওপৰত অকথ্য নিৰ্যাতন সুদীৰ্ঘ দিনধৰি চলাই থকাৰ অভিযোগ। পত্নীৰ কেৱল এটাই অপৰাধ হ'ল যে জন্ম দিলে ৩ কন্যা সন্তান। মহিলাগৰাকীৰ অভিযোগ অনুসৰি স্বামীৰ পৰিয়ালে কেইবাবাৰো বিষাক্ত "স্প্ৰে" ব্যৱহাৰ কৰি হত্যাৰ অপচেষ্ঠাও কৰে। যাৰ ফলত মাতৃসহ তিনি কন্যা প্ৰায় সময়তে অসুস্ত হৈ চিকিৎসালয়ত ভৰ্তি হোৱাৰ কথাও মন্তব্য কৰে ।সম্প্ৰতি মহিলাগৰাকীয়ে প্ৰাণ ৰক্ষাৰ বাবে কাষ চাপিছে হোজাই আৰক্ষী অধীক্ষকৰ ।।