ভৱিষ্যতে অসমত ঈদ-উজ-জোহাত নিষিদ্ধ হ'ব পাৰে গৰুৰ কুৰবানী। অহাবাৰৰ পৰা ঈদত ধুবুৰীত গৰুৰ কুৰবানী নিষিদ্ধ কৰাৰ ইংগিত দিলে মুখ্যমন্ত্ৰী হিমন্ত বিশ্ব শৰ্মাই। ধৰ্মীয় স্থানৰ পৰা ৫ কিঃমিঃৰ ব্যাসাৰ্ধত গৰুৰ কুৰবানী নিষিদ্ধ কৰাৰ ইংগিত দিলে মুখ্যমন্ত্ৰীয়ে।
ধুবুৰীৰ বহু হোটেলত গৰুৰ মাংস বিক্ৰী কৰাক লৈ প্ৰতিক্ৰিয়া প্ৰকাশ মুখ্যমন্ত্ৰীৰ। আইনে অনুমতি নিদিয়ে যদিও ধুবুৰীৰ বহু হোটেলত বিক্ৰী কৰি আছে গৰুৰ মাংস!
হোটেলৰ দোকানীয়ে গৰুৰ মাংস বিক্ৰী কৰা বন্ধ নকৰিলে আৰক্ষী যাব লাগিব বুলি তাৎপৰ্যপূৰ্ণ মন্তব্য মুখ্যমন্ত্ৰীৰ। ধুবুৰীৰ গো-মাংসৰ ঘটনাৰ মূল অভিযুক্ত মিণ্টু আলীক চিনাক্ত কৰা হৈছে বুলি স্পষ্ট কৰিছে মুখ্যমন্ত্ৰীয়ে।
শীঘ্ৰেই মিণ্টু আলীক আত্মসমৰ্পণ কৰিবলৈ সকীয়নি দিলে মুখ্যমন্ত্ৰী হিমন্ত বিশ্ব শৰ্মাই। ৰাজ্যত সংঘটিত গো মাংসৰ বিতৰ্কৰ সন্দৰ্ভত জড়িত ১৫০জনক গ্ৰেপ্তাৰ কৰা হৈছে বুলি দাবী কৰিলে মুখ্যমন্ত্ৰীয়ে।
