আমেৰিকাৰ ৰাষ্ট্ৰপতি ড'নাল্ড ট্ৰাম্পৰ সকিয়নিলৈও কেৰেপ নকৰে ইৰাণ আৰু ইজৰাইলে। আমেৰিকাৰ ধমকৰ পাছতো আক্ৰমণ-প্ৰত্যাক্ৰমণ অব্যাহত আছে মধ্য প্ৰাচ্যত। যুদ্ধ বিৰতি ঘোষণা কৰাৰ কিছু ঘন্টাৰ পাছতেই ইৰাণে আক্ৰমণ কৰিলে ইজৰাইলক। মঙলবাৰে ইৰাণ আৰু ইজৰাইলৰ মাজত যুদ্ধ বিৰতি চুক্তি হৈছিল যদিও ইৰাণে ৬ টা বেলেচটিক মিছাইলে আক্ৰমণ কৰিলে ইজৰাইলে। ইৰাণৰ আক্ৰমণৰ ফলত নিহত হৈছে ইজৰাইলৰ ৫ গৰাকীকৈ নাগৰিক।
ইৰাণকো আক্ৰমণৰ প্ৰত্যুত্তৰ দিলে ইজৰাইলে। ইজৰাইলী সেনাক ইৰাণৰ ৰাজধানী তেহৰান আক্ৰমণৰ নিৰ্দেশ দিলে প্ৰধানমন্ত্ৰী বেঞ্জামিন নেতান্যাহুৱে। প্ৰধানমন্ত্ৰী বেঞ্জামিন নেতান্যাহুৰ নিৰ্দেশৰ পাছতেই তেহৰানৰ ৰাডাৰ থকা অঞ্চলত আক্ৰমণ কৰে ইজৰাইলী সেনাই। ইজৰাইলৰ প্ৰধানমন্ত্ৰী বেঞ্জামিন নেতান্যাহুৰ এই সিদ্ধান্তক লৈ নাৰাজ আমেৰিকাৰ ৰাষ্ট্ৰপতি ড'নাল্ড ট্ৰাম্প। মাৰ্কিন যুক্তৰাষ্ট্ৰৰ ৰাষ্ট্ৰপতি ড'নাল্ড ট্ৰাম্পে ইৰাণৰ ওপৰত আক্ৰমণ নকৰিবলৈ ফোন যোগে আহ্বান জনাইছিল বেঞ্জামিন নেতান্যাহুক। কিন্তু মাৰ্কিন যুক্তৰাষ্ট্ৰৰ ৰাষ্ট্ৰপতি গৰাকীৰ অনুৰোধ ৰক্ষা কৰাৰ সলনি যুদ্ধ বিৰতি উলংঘা কৰা ইৰাণক প্ৰত্যুত্তৰ দিলে ইজৰাইলে।
এইপৰ্যন্ত ইজৰাইলী সেনাৰ আক্ৰমণত ইৰাণত ৬১০ গৰাকী নাগৰিক নিহত হোৱাৰ বিপৰীতে আহত হৈছিল ৪,৭৪৬ গৰাকী নাগৰিক। ইৰাণত নিহত সকলৰ ভিতৰত শিশু, গৰ্ভৱতী মহিলা সহ স্বাস্থ্য কৰ্মীও আছিল বুলি সদৰী কৰিছে আন্তঃৰাষ্ট্ৰীয় সংবাদ মাধ্যমে।
