আমেৰিকা,ইজৰাইলক প্ৰত্যাহ্বান জনাই পাৰমাণৱিক শক্তিৰ ৰাষ্ট্ৰ হ'বলৈ ওলাইছে ইৰাণ

আমেৰিকাৰ ৰাষ্ট্ৰপতি ড'নাল্ড ট্ৰাম্পৰ ধমকৰ পাছতো ক্ষান্ত হোৱা ইছলামিক ৰাষ্ট্ৰ ইৰাণ। আমেৰিকা আৰু ইজৰাইলক প্ৰত্যাহ্বান জনাই পাৰমাণৱিক শক্তিৰ ৰাষ্ট্ৰ হ'বলৈ ওলাইছে ইৰাণ। ৰাষ্ট্ৰ সংঘৰ অধীনস্থ আন্তঃৰাষ্ট্ৰীয় এটমিক এনাৰ্জী এজেঞ্চিৰ সৈতে সহযোগিতা চুক্তি বাতলি কৰিব ইৰাণে । বুধবাৰে সহযোগিতা চুক্তি বাতলি কৰিবলৈ ইৰাণৰ সংসদত উত্থাপন কৰা হৈছিল বিশেষ বিধেয়ক। পাৰমাণৱিক শক্তিৰ পৰীক্ষাৰ সন্দৰ্ভত ইৰাণে হস্তক্ষেপ নিবিচাৰে আন্তঃৰাষ্ট্ৰীয় এটমিক এনাৰ্জী এজেঞ্চিৰ। বিধেয়ক গৃহীত হলেই ইৰাণৰ পাৰমাণৱিক শক্তিৰ পৰীক্ষাৰ সন্দৰ্ভত হস্তক্ষেপ কৰিব নোৱাৰিব আন্তঃৰাষ্ট্ৰীয় এটমিক এনাৰ্জী এজেঞ্চিয়ে। ইছলামিক ৰাষ্ট্ৰ ইৰাণে পাৰমাণৱিক শক্তি পৰীক্ষা কৰিবলৈ চেষ্টা চলোৱাৰ অভিযোগ তুলিছিল ইজৰাইলে। 

বিগত ১৩ জুনৰ পৰা ইৰাণে পাৰমাণৱিক শক্তি বিকশিত কৰাৰ অভিযোগ তুলি যুদ্ধ আৰম্ভ কৰিছিল ইজৰাইলে। আমেৰিকাই ফৰ্ড' ঘাটিত নিক্ষেপ কৰে বাংকাৰ বাষ্টাৰ বোমাই ক্ষতিগ্ৰস্ত কৰিব নোৱাৰিলে ইৰাণৰ পাৰমাণৱিক কেন্দ্ৰ। আমেৰিকাই আক্ৰমণ কৰাৰ পূৰ্বেই ইৰাণে  গোপন স্থানলৈ স্থানান্তৰিত কৰিছিল ৪০০ কিলো গ্ৰাম ইউৰেনিয়াম। উল্লেখযোগ্য যে,ইৰাণৰ হাতত মজুত থকা ৪০০ কিলো গ্ৰাম ইউৰেনিয়ামে নিৰ্মাণ কৰিব পাৰে ১০ টা পৰমাণু বোমা। আনহাতে, আমেৰিকাৰ হস্তক্ষেপৰ পাছতো সংগোপনে শক্তিশালী পাৰমাণৱিক ক্ষেপণাস্ত্ৰ নিৰ্মাণ কৰিছে পাকিস্তানে।