পাকিস্তানক পুনৰ ঋণ দিছেএএছিয়ান ডেভেলপমেন্ট বেংকে (এডিবি)। ইতিমধ্যে এডিবিৰ সৈতে ৩৫ কোটি ডলাৰৰ (ভাৰতীয় মুদ্ৰাত প্ৰায় ৩ হাজাৰ কোটি টকা) ঋণৰ চুক্তি সম্পন্ন কৰিছে ইছলামবাদে। পাকিস্তানৰ চৰকাৰী সংবাদমাধ্যমৰ দাবী অনুসৰি, মহিলাৰ অৰ্থনৈতিক সমৃদ্ধি আৰু মহিলা শক্তিকৰণৰ বাবে সেই টকা ব্যয় কৰা হ'ব। চলতি মাহৰ আৰম্ভণিতেই পাকিস্তানৰ বাবে ৮০ কোটি ডলাৰৰ (ভাৰতীয় মুদ্ৰাত প্ৰায় ৬ হাজাৰ কোটি টকাৰ) ঋণ মঞ্জুৰ কৰিছিল এডিবিয়ে। এইবাৰ পুনৰ পাকিস্তানক ঋণ দিলে এছিয়ান ডেভেলপমেন্ট বেংকে ।
এডিবি হৈছে আঞ্চলিক উন্নয়নমূলক বেঙ্ক, যি এছিয়াৰ বিভিন্ন দেশৰ সামাজিক আৰু অৰ্থনৈতিক উন্নয়নৰ স্বাৰ্থত কাম কৰে। ইয়াৰ মুখ্য দপ্তৰ ফিলিপাইনত আছে। ইয়াৰ উপৰিও বাছ আৰু পৃথিৱীৰ বিভিন্ন স্থানত এডিবিৰ মুঠ ৩১টা দপ্তৰ আছে। ৰেডিঅ' পাকিস্তানৰ খবৰ অনুসৰি, মঙ্গলবাৰে দুয়োপক্ষৰ মাজত এই চুক্তি হৈছে। পাকিস্তান চৰকাৰে দেশৰ ৰাষ্ট্ৰীয় অৰ্থনীতিত মহিলাৰ অৱদান অধিক শক্তিশালী কৰিবলৈ এডিবিৰ সৈতে এই চুক্তি কৰিছে।
জুনৰ আৰম্ভণিতে পাকিস্তানৰ অৰ্থনৈতিক স্থিৰতা মজবুত কৰাৰ আৰু চৰকাৰৰ আৰ্থিক ব্যৱস্থাপনাৰ অধিক উন্নতি কৰিবলৈ ইছলামাবাদক ৮০ কোটি ডলাৰৰ ঋণ দিছিল এডিবিয়ে। পাকিস্তানৰ এই ঋণৰ বিৰুদ্ধে আপত্তি দৰ্শাইছিল ভাৰতে। কিন্তু তাৰ পিছতো ঋণ মঞ্জুৰ কৰা হৈছিল জুনৰ আৰম্ভণিতে। এতিয়া পাকিস্তানে এডিবিৰ সৈতে আন এটা চুক্তি সম্পাদন কৰিলে। আনহাতে ইয়াৰ পূৰ্ৱেও বিগত মে' মাহত আন্তর্জাতিক অৰ্থভাণ্ডাৰ (আইএমএফ) পাকিস্তানক প্ৰায় ১০০ কোটি আমেৰিকান ডলাৰ (ভাৰতীয় মুদ্ৰাৰত প্ৰায় আঠ হাজাৰ কোটি টকা) অতিৰিক্ত ঋণ মঞ্জুৰ কৰিছিল।
বিগত ৯ জুনত পাকিস্তান চৰকাৰে ২০২৪-২৫ চনৰ অৰ্থনৈতিক সমীক্ষা ৰিপোর্ট প্রকাশ কৰিছে। প্ৰতিবেদন অনুসৰি, ২০২৪-২৫ বিত্তীয়বৰ্ষৰ (পাকিস্তানৰ বিত্তীয়বৰ্ষ জুলাই মাহৰ পৰা আৰম্ভ হয়) প্ৰথম ৯ মাহত পাকিস্তানৰ ঋণৰ বোজা ৭৬ লক্ষ কোটি পাকিস্তানী টকাৰ পৰা ২৩ লক্ষ কোটি ভাৰতীয় টকাত বৃদ্ধি পাইছে।
