গাদীচ্যুত হ'ব নেকি কৰ্ণাটকৰ মুখ্যমন্ত্ৰী সিদ্দাৰামায়াৰ?

কৰ্ণাটকৰ খোদ কংগ্ৰেছ বিধায়কেই বিপদ মাতিছে কংগ্ৰেছৰ চৰকাৰৰ। যিকোনো মূহুৰ্তত গাদীচ্যুত হ'ব পাৰে কৰ্ণাটকৰ মুখ্যমন্ত্ৰী সিদ্দাৰামায়া। কৰ্ণাটকৰ কংগ্ৰেছৰ বিধায়ক বি আৰ পাটিলৰ এটা ভাইৰেল অডিঅ' ক্লিপক লৈ সংকট সৃষ্টি হৈছে চৰকাৰৰ। কৰ্ণাটকত ৰাজ্য চৰকাৰৰ অধীনস্থ ৰাজীৱ গান্ধী হাউচিং কৰ্পৰেচন লিমিটেডত কেলেংকাৰি সংঘটিত হোৱাৰ অভিযোগ উত্থাপিত হৈছিল। ভাইৰেলে অডিঅ' ক্লিপত হাউচিং কৰ্পৰেচনত গৃহ আৱন্তনৰ নামত কেলেংকাৰি সংঘটিত হোৱাটো স্পষ্ট হৈছিল। গৃহ আৱন্তনৰ নামত ৰাজ্যখনত সংঘটিত কেলেংকাৰিক  বাবে বিৰোধী বিজেপিৰ টাৰ্গেটত পৰিছে মুখ্যমন্ত্ৰী সিদ্দাৰামায়া।
আনহাতে,সমষ্টিৰ উন্নয়নৰ বাবে পুঁজি আৱন্তন নোহোৱাত মুখ্যমন্ত্ৰী সিদ্দাৰামায়াক মুকলি সমালোচনা কৰিছে কংগ্ৰেছৰ কেইবাগৰাকীও বিধায়কে। কংগ্ৰেছ হাইকামাণ্ডে কৰ্ণাটকৰ মুখ্যমন্ত্ৰী আসনখনক লৈ আঢ়ৈ বছৰকৈ সময় বান্ধি দিছিল সিদ্দাৰামায়াক আৰু উপ মুখ্যমন্ত্ৰী ডি কে শিৱকুমাৰক।
 চৰ্চা অনুসৰি,চলিত বৰ্ষৰ ডিচেম্বৰ মাহতেই কংগ্ৰেছ হাইকামাণ্ডে সলনি কৰিব কৰ্ণাটকৰ মুখ্যমন্ত্ৰী। কৰ্ণাটক কংগ্ৰেছৰ প্ৰভাৰী ৰণদ্ধীপ সুৰ্জেৱালাই কেবিনেট বিস্তাৰৰ লগতে কেইগৰাকীমান মন্ত্ৰীক পাখিকাটিবলৈ নিৰ্দেশ দিছিল মুখ্যমন্ত্ৰী সিদ্দাৰামায়াক। 
কিন্তু সুৰ্জেৱালাই পাখি কাটিবলৈ তালিকা প্ৰস্তুত কৰি দিয়া কেবিনেট মন্ত্ৰী সকল ঘনিষ্ঠ হোৱাৰ বাবেই সৈমান হোৱা নাই মুখ্যমন্ত্ৰী সিদ্দাৰামায়া। চলিত বৰ্ষৰ ডিচেম্বৰ মাহতেই উপ মুখ্যমন্ত্ৰী ডি কে শিৱকুমাৰক মুখ্যমন্ত্ৰী আসন এৰি নিদিলে কৰ্ণাটকত পতন ঘটিব পাৰে কংগ্ৰেছ চৰকাৰ। যি কথাৰ স্পষ্ট ইংগিত লাভ কৰাৰ পাছতেই কৰ্ণাটকৰ নেতৃত্ব তথা মুখ্যমন্ত্ৰী সলনিৰ বাবে তৎপৰ হৈছে কংগ্ৰেছৰ হাইকামাণ্ড। আনহাতে, মুখ্যমন্ত্ৰী সিদ্দাৰামায়াৰ পত্নীৰ বিৰুদ্ধে উত্থাপিত ভূমি কেলেংকাৰিৰ অভিযোগেও কৰ্ণাটকত পূৰ্বৰ জনপ্ৰিয়তা হ্ৰাস কৰিছে কংগ্ৰেছ চৰকাৰৰ। 

Share This Article
Leave a Comment

Leave a Reply

Your email address will not be published. Required fields are marked *