ইউক্রেনত ‘সৰ্ববৃহৎ বিমান আক্ৰমণ’ৰাছিয়াৰ !

ইউক্ৰেনৰ ওপৰত পৰিল ৰাছিয়াৰ ক্ষেপণাস্ত্ৰ । বিগত তিনি বছৰৰ ভিতৰত ইউক্রেনৰ ভিতৰত আটাইতকৈ ডাঙৰ আকাশমাৰ্গেৰ  আক্ৰমণ চলাইছে ৰাছিয়াই ! দেওবাৰে ৰাতি এই আক্ৰমণ চলোৱা হৈছে। মাত্ৰ ক্ষেপণাস্ত্ৰ নহয়, ড্ৰোন আক্ৰমণো চলাইছে ৰাছিয়াৰ সেনাই। ইউক্ৰেনৰ সেনাই দাবী কৰিছে, ৰাছিয়াৰ আক্ৰমণ প্ৰতিৰোধ কৰাৰ সময়ত এখন এফ-১৬ যুদ্ধবিমান ধ্বংস হৈছে। এজন পাইলটৰ মৃত্যু হৈছে বুলি জনা গৈছে।
পশ্চিম, দক্ষিণ আৰু মধ্য  ইউক্রেনত নিশাৰ পৰা ৰাছিয়াই বিমান আক্ৰমণ চলাইছে। ড্ৰোনৰ লগতে ক্রুজ আৰু বেলিস্টিক ক্ষেপণাস্ত্ৰ নিক্ষেপ কৰিছে। ৰাছিয়াৰ আক্ৰমণত ইউক্রেনৰ বহুত ঘৰ-বাৰীৰ সৈতে ক্ষতিগ্ৰস্থ হৈছে। কমেও ছজনৰ মৃত্যু হৈছে বুলি জানিব পৰা গৈছে। ২০২২ চনৰ ২৪ ফেব্ৰুৱাৰী চৰকাৰী চেনেলত ৰাষ্ট্ৰৰ উদ্দেশ্যে ভাষণত কিভৰ বিৰুদ্ধে ‘সামৰিক অভিযান’ ঘোষণা কৰিছিল ৰাছিয়ান প্ৰেছিডেন্ট ভ্লাদিমিৰ পুতিনে। তেতিয়াৰে পৰা আক্ৰমণ, প্ৰতি আক্ৰমণত দুয়োখন দেশ বিধ্বস্ত ক্ষতি হৈছে। ইউক্রেন সেনাবাহিনীৰ সূত্ৰ মতে, তিনিবছৰ ধৰি চলি থকা যুদ্ধৰ এইটো হৈছে ইউক্রেনৰ বিৰুদ্ধে ৰাছিয়াৰ ‘সৰ্ববৃহৎ আকাশপথৰ আক্ৰমণ’। একে নিশাই ৫০০ টালৈকে ড্ৰোন আৰু ক্ষেপণাস্ত্ৰ নিক্ষেপ কৰিছে ৰাছিয়াই। 
ইউক্ৰেইন বায়ু সেনাৰ মতে, ৪৭৭টা ড্ৰোন আক্ৰমণ কৰা হৈছে। একে সময়তে ৬০টা ক্ষেপণাস্ত্ৰ নিক্ষেপ কৰিছে ৰাছিয়ান সেনাই। তাৰ ভিতৰত ২৪৯টা ড্ৰোন গুলিৰে মাৰি ধ্বংস কৰা হৈছে। ইয়াৰ উপৰিও ২০০-ৰো বেছি ড্ৰোন ‘ইলেকট্রনিক জ্যামিং’-ৰ যোগেদি নিষ্ক্ৰিয় কৰা হৈছে বুলি দাবী কৰিছে ইউক্ৰেন বাহিনীয়ে। ইউক্ৰেনৰ বায়ু সেনাৰ তৰফৰ পৰা ইউৰি ইহনাথ ‘এপি’-য়ে দাবী কৰিছে, ‘‘এইটো আছিল আটাইতকৈ ডাঙৰ বায়ু আক্ৰমণ।’’ ইউক্ৰেনৰ সেনাবাহিনীৰ বিবৃতিৰ অনুসৰি, ৰাছিয়ান আক্ৰমণ যথেষ্টৰূপে অধিকৃত কৰা হৈছে। এফ-১৬ যুদ্ধবিমানৰ পাইলট ৰাছিয়ান সেনাৰ নূন্যতম সাতখন বিমান গুলিৰে মাৰি ধ্বংস কৰা হৈছে । ধ্বংস কৰা হ'ল এফ-১৬ বিমান। নিয়ন্ত্ৰণ হেৰুৱাই এফ-১৬ বিমানখন পৰি য়োৱাত মৃত্যু হয় পাইলটৰ।

Share This Article
Leave a Comment

Leave a Reply

Your email address will not be published. Required fields are marked *