ট্ৰাম্প-নেতান্যাহুৰ বিৰুদ্ধে ফটোৱা জাৰি! ‘ঈশ্বৰৰ শত্ৰু’ট্ৰাম্প-বেঞ্জামিন...

ইৰাণৰ দণ্ডবিধি মতে ‘ঈশ্বৰৰ শত্ৰু’ বুলি অভিহিত কৰা হ'ল ট্ৰাম্প-নেতান্যাহুক।  ইৰাণৰ দণ্ডবিধি ‘মোহাৰেবৰ অপৰাধী’ হিচাপে ডনাল্ড ট্ৰাম্প-বেঞ্জামিন নেতান্যাহুৰ  বিৰুদ্ধে ফটোৱা জাৰি কৰিলে ইৰাণৰ অন্যতম শীৰ্ষ ছিয়া ধৰ্মগুৰু গ্ৰেণ্ড আয়াতুল্লা নাছেৰ মাকাৰেম শ্বিৰাজীয়ে।
আমেৰিকাৰ ৰাষ্ট্ৰপতি আৰু ইজৰাইলৰ প্ৰধানমন্ত্ৰীগৰাকীক ‘ঈশ্বৰৰ শত্ৰু’ বুলি অভিহিত কৰি বিশ্বজুৰি মুছলমানসকলক দুয়োজনৰ বিৰুদ্ধে ব্যৱস্থা গ্ৰহণ কৰিবলৈ এই ফটোৱাত আহ্বান জনাইছে ইৰাণৰ ইছলামিক ধৰ্মগুৰুগৰাকীয়ে। ট্ৰাম্প আৰু নেতান্যাহুৰ বিৰুদ্ধে ইছলামীয় সম্প্ৰদায়ৰ নেতৃত্ব আৰু কৰ্তৃত্ব বিৰুদ্ধে আক্ৰমণ কৰা বুলি উত্থাপিত হৈছে অভিযোগ।
এই অভিযোগতে দুয়োগৰাকী নেতাকে ‘যুদ্ধবাজ’ গণ্য কৰা হৈছে বুলিও ফটোৱাত উল্লেখ কৰা হৈছে। দুয়োকে ‘মোহাৰেবৰ অপৰাধী’ তথা ইৰাণৰ দণ্ডবিধি অনুসৰি ‘ঈশ্বৰৰ শত্ৰু’ ব্যক্তি হিচাপে অভিহিত কৰা হৈছে। ড’নাল্ড ট্ৰাম্প আৰু বেঞ্জামিন নেতান্যাহুৰ বিৰুদ্ধে মুছলমান সমাজৰ সহযোগিতা নিষিদ্ধ ঘোষণা কৰা হৈছে এই ফটোৱাত।
ইৰাণৰ ইছলামিক দণ্ডবিধি অনুসৰি ‘ইশ্বৰৰ শত্ৰু’ বুলি প্ৰমাণ হোৱা ব্যক্তিক ফাঁচী, ক্ৰুচত দিয়া, সোঁ হাত আৰু বাওঁ ভৰি কাটি পেলোৱা বা নিৰ্বাসনৰ দৰে শাস্তি দিয়া হয়।ইৰাণৰ বিৰুদ্ধে আমেৰিকা আৰু ইজৰাইলে কৰা আক্ৰমণৰ পাছতে এই ফতোৱা জাৰি হৈছে। ১৩ জুনত ইজৰাইলে ইৰাণৰ পাৰমাণৱিক আৰু সামৰিক স্থানত বিমান আক্ৰমণ চলোৱাৰ লগতে কেইবাগৰাকী সেনাধ্যক্ষ আৰু পদাৰ্থৰ বিজ্ঞানীক হত্যা কৰাৰ পাছত উত্তেজনা বৃদ্ধি পায়।
ইৰাণেও ইজৰাইলৰ চহৰসমূহত ক্ষেপণাশস্ত্ৰৰে আক্ৰমণৰ কৰে। ইৰাণৰ তিনিটাকৈ পাৰমাণৱিক কেন্দ্ৰত আমেৰিকায়ো আক্ৰমণ কৰে। ইৰাণে ইউৰেনিয়াম সমৃদ্ধিৰে অস্ত্ৰ-শস্ত্ৰৰ স্তৰলৈ আগবঢ়াই নিলে অধিক ব্যৱস্থা গ্ৰহণ কৰাৰ ভাবুকি দিছিল ট্ৰাম্পে। তাৰ মাজতে ইৰাণৰ গ্ৰেণ্ড আয়াতুল্লা গৰাকীয়ে ট্ৰাম্প-নেতান্যাহুৰ বিৰুদ্ধে জাৰি কৰিছে ফটোৱা।
উল্লেখযোগ্য যে ইৰাণৰ দণ্ডবিধি অনুসৰি ইছলামীয় সম্প্ৰদায় আৰু ইয়াৰ সাৰ্বভৌমত্বৰ ক্ষতি কৰিবলৈ নেতৃত্ব আৰু কৰ্তৃপক্ষক ভাবুকি বা আক্ৰমণ কৰা যিকোনো ব্যক্তি বা শাসন ব্যৱস্থাক শত্ৰু হিচাপে গণ্য কৰা হয়।

Share This Article
Leave a Comment

Leave a Reply

Your email address will not be published. Required fields are marked *