২৭ জুনত 'কাটা লাগা' শেফালী জাৰিৱালাৰ মৃত্যু হোৱাৰ দিনা প্ৰকৃততে কি হৈছিল শেফালীৰ সৈতে? হৃদৰোগত আক্ৰান্ত হৈ মৃত্যু হোৱা বুলি জানিব পৰা গৈছিল শেফালীৰ। সেই নিশা শেফালীৰ ঘৰত অনুষ্ঠিত হৈছিল পূজা। গোটেই দিনটো ব্ৰত ৰাখিছিল শেফালীয়ে। খবৰ অনুসৰি গোটেই দিনটো ব্ৰত ৰখাৰ পিছত শেফালীয়ে নিশা খাদ্য খাবলৈ যাওঁতে শৰীৰ কঁপিবলৈ ধৰিলে আৰু অচেতন হৈ পৰে। সেই নিশা শেফালীয়ে এণ্টি এজিং বেজীও লৈছিল বুলি কোৱা হৈছে।
শেফালী জাৰিৱালাৰ প্ৰাথমিক মৰণোত্তৰ পৰীক্ষাৰ প্ৰতিবেদনত ৰক্তচাপ দ্ৰুত হ্ৰাস আৰু হাৰ্ট এটেকক মৃত্যুৰ কাৰণ হিচাপে উল্লেখ কৰা হৈছে।
অৱশ্যে চিকিৎসকৰ পৰামৰ্শ মতে প্ৰায় ৭-৮ বছৰৰ আগৰে পৰা শেফালীয়ে এণ্টি এজিং ঔষধ ব্যৱহাৰ কৰি আহিছে। প্ৰতিমাহে এই চিকিৎসা গ্ৰহণ কৰি আহিছিল। আৰক্ষীয়ে সন্দেহ কৰিছে যে এই ঔষধেই শেফালীৰ হঠাৎ মৃত্যুৰ এটা ডাঙৰ কাৰণ হ’ব পাৰে, যাৰ ফলত হৃদযন্ত্ৰ বন্ধ হৈ পৰিছিল।
২৭ জুনৰ নিশা ১০ৰ পৰা ১১ বজাৰ ভিতৰত হঠাৎ শেফালীৰ স্বাস্থ্যৰ অৱনতি ঘটে, শেফালীক চিকিৎসালয়লৈ লৈ যোৱা হৈছিল যদিও চিকিৎসকে মৃত ঘোষণা কৰে। সেই নিশা ঘৰত উপস্থিত আছিল শেফালীৰ স্বামী পৰাগ ত্যাগী, মাতৃ আৰু পৰিয়ালৰ আন আন সদস্য।
