এইবাৰ BPF প্রধান হাগ্রামা মহিলাৰীৰ বিৰুদ্ধে গৰজি উঠিল NEMSU ৰ কেন্দ্ৰীয় সভাপতি বদৰুল ইছলাম । যোৱা ২৯ জুনত কোকৰাঝাৰৰ বাঁওখুংগ্ৰী সমষ্টিৰ এখন জনসভাত এগৰাকী মুছলমান সম্প্ৰদায়ৰ ব্যক্তিক সভাৰ মাজতেই দাড়ি, টুপিক লৈ কৰা অসন্মানজনক মন্তব্য কৰাত ক্ষোভ কেন্দ্রীয় সভাপতি গৰাকীৰ। নেতাগৰাকীয়ে কয় যে, হাগ্রামা মহিলাৰীৰ এনে আচৰণ চৰম দুৰ্ভাগ্যজনক। এটা দলৰ মুৰব্বী হৈ এনে আচৰণ মুঠেই গ্রহণযোগ্য নহয় | দাড়ি হল মুছলমানৰ পুণ্যৰ অন্যতম চিহ্ন । ইছলাম ধৰ্মৰ প্ৰৱৰ্তক হজৰত মহম্মদেও ৰাখিছিল দাড়ি। আনকি, নেতাগৰাকীয়ে কয় যে, মুৰত চুলি, গালত দাড়ি নথকা হাগ্ৰামাই নাজানে মুছলমানে দাড়ি কিয় ৰাখে।
অতিশীঘ্ৰে এনে অপমানজনক মন্তব্যৰ বাবে মুছলমান সমাজৰ আগত ক্ষমা খোজাৰ দাবী নেতাগৰাকীৰ। ক্ষমা নুখুজিলে হাগ্ৰামা মহিলাৰীৰ বিৰুদ্ধে গণতান্ত্রিক প্ৰতিবাদৰ হুংকাৰ নেতাগৰাকীৰ। দাড়ি, চুলি গজাবলৈ হাগ্রামা মহিলাৰীক আচাৰ্য পংকজ পাঠকৰ শৰণাপন্ন হ'বলৈ আহ্বান NEMSU ৰ কেন্দ্ৰীয় সভাপতি বদৰুল ইছলামৰ।