বিগত তিনিদিন ধৰি তিনিচুকীয়াৰ TDA মাৰ্কেটত উত্তেজনা । এটা গাড়ী পাৰ্কিঙকলৈ আৰম্ভ হৈছিল কাজিয়াৰ সূত্ৰপাত। প্ৰকৃততে কিয় সাম্প্ৰদায়িক উত্তেজনাৰ সৃষ্টি হৈছিল তিনিচুকীয়াত? সমগ্ৰ বিষয়টোৰে সাঙুৰ খাই পৰিছে ভীম দাস নামৰ এগৰাকী ব্যক্তি। ভীম দাসে নিজে ৰচিদ ছপাই গাড়ী পাৰ্কিঙৰ পৰা লাখ লাখ টকা সংগ্ৰহ কৰাৰ অভিযোগ উত্থাপন হৈছে। প্ৰশ্ন হৈছে কাৰ ছত্ৰছায়াত ভীম দাসে প্ৰতি মাহে সংগ্ৰহ কৰি আহিছিল লাখ লাখ টকা ?
কেৱল গাড়ী পাৰ্কিঙেই নহয় প্ৰতিমাহে T D A মাৰ্কেটৰ দোকানৰ পৰাও সংগ্ৰহ কৰা হয় ধন। এতিয়া কথা হ'ল, গাড়ী পাৰ্কিংৰ টকা, প্ৰতিমাহে দোকানৰ পৰা সংগ্ৰহ লাখ লাখ টকা কাৰ পকেটত সোমাই?
তিনিদিন ধৰি কাৰ পাৰ্কিংক লৈ হোৱা বাক বিতণ্ডাই সাম্প্ৰদায়িক ৰূপ লোৱাৰ দিশেৰে আগবঢ়া পৰিলক্ষিত হৈছিল। বিষয়টো পাইছিলগৈ আৰক্ষী থানা, দিয়া হৈছিল গোচৰ। ইমানৰ পিছতো কিন্তু এই পৰ্যন্ত নিমাত তিনিচুকীয়া উন্নয়ন প্ৰাধিকৰনৰ সভাপতি কাজল গোঁহাই।
আনহাতে আজি তিনিচুকীয়া T D A মার্কেট প্ৰসংগত মুখ খুলিছে বিধায়ক সঞ্জয় কিচানে। বিধায়কৰ প্ৰশ্ন , সংগ্ৰহ কৰা ধন যায় কলৈ?
অভিযোগ অনুসৰি বছৰ বছৰ ধৰি ভীম দাস নামৰ ব্যক্তিজনে ৰছিদ ছপাই অবৈধ ভাবে চলাই আছিল T D A মাৰ্কেটৰ কাৰ পাৰ্কিং। কোনো ধৰনৰ নিবিদা নোহোৱাকৈ ভীম দাস আৰু তেঁওৰে একাংশ লোকে অবৈধ ভাবে ৰছিদ ছপাই সংগ্ৰহ কৰি আহিছিল মাৰ্কেটত থকা দোকানৰ পৰাও মাহে মাহে টকা। এই ধন সংগ্ৰহ প্ৰক্ৰিয়াটোত তিনিচুকীয়া উন্নয়ন প্ৰাধীকৰনৰ কেইজনমান কৰ্মচাৰীও জড়িত থকাৰ অভিযোগ উত্থাপন হৈছে।
আনহাতে এই সম্গ্ৰ বিষয়টোত নিমাত হৈ আছে তিনিচুকীয়া উন্নয়ন প্ৰাধিকৰনৰ সভাপতি কাজল গোহাই। সমান্তৰালভাৱে বছৰ বছৰ ধৰি চলি অহা এই অবৈধ ধনৰ সংগ্ৰহৰ কথা সভাপতি কাজল গোহাইয়ে নজানাটো ৰহস্য জনক বিষয়।
আনহাতে মার্কেটৰ পৰা বছৰ বছৰ ধৰি ধন সংগ্ৰহ কৰি অহাৰ পিছতো কডৰ্ময় মাৰ্কেটখনৰ পৰিৱেশ। মার্কেটতখনৰ উন্নয়ণৰ নামত ব্যৱহাৰ নহয় এটা টকাও।
