বিশ্ব ৰেকৰ্ড গঢ়িবলৈ সক্ষম হ'ল বিশ্বজিৎ । ভৰিৰে ছবি আঁকি বিশ্ব ৰেকৰ্ডত নাম অন্তর্ভুক্ত বিশ্বজিৎ সোণোৱাল। ৰং-আৰু ধূলিৰে সাহিত্যৰথী লক্ষ্মীনাথ বেজবৰুৱাৰ এখন ছবি ভৰিৰে অংকন কৰিছিল বিশ্বজিতে। একান্ত ইচ্ছা আৰু আগ্ৰহৰ ভিত্তিত অংকনৰ সাধনা কৰিছিল বিশ্বজিৎ সোণোৱালে। 'WEB WORLD RECORDS'নামৰ সংস্থাটোৱে অনলাইনযোগে যুৱকজনৰ পাৰদৰ্শিতা আৰু প্ৰতিভা সন্দর্ভত এক সাক্ষাৎ গ্রহণ কৰে।
কাকপথাৰ মাইথঙৰ এজন যুৱকে বিশ্ব ৰেকৰ্ডত নাম অন্তর্ভুক্ত কৰিবলৈ সক্ষম হৈছে । ছবি আঁকি ভালপোৱা বিশ্বজিৎ সোণোৱাল নামৰ যুৱকজনে উজলাৰ ৰং-আৰু ধূলিৰে সাহিত্যৰথী লক্ষ্মীনাথ বেজবৰুৱাৰ এখন ছবি ভৰিৰে অংকন কৰিছিল। বিগত ২৮ ফেব্ৰুৱাৰীত WEB WORLD RECORDS নামৰ সংস্থাটোৱে অনলাইনযোগে যুৱকজনৰ পৰা পাৰদৰ্শিতা আৰু প্ৰতিভা... সন্দর্ভত এক সাক্ষাৎ গ্রহণ কৰে। ২৯ ফেব্ৰুৱাৰীত সংস্থাটোরে যুৱকজনলৈ-বিশ্ব ৰেকৰ্ডৰ অনুমোদন-পত্ৰ প্ৰেৰণ কৰে। যুৱকজনক সংস্থাটোৱে অৱগত কৰিছে যে চিত্রকর্মই বিশ্ব-ৰেকৰ্ডত স্থান পাইছে আৰু ২৫ দিনৰ ভিতৰত স্বীকৃতি-পত্ৰ প্ৰেৰণ কৰিব। যুৱকজনক ৰাজস্থানৰ 'জ্ঞান উদয় ফাউণ্ডেশ্যন'-এ 'দা ইণ্টাৰনেশ্যনল এচিভাৰ্ছ এবার্ড-২০২৪' বঁটা প্রদানেৰে সন্মানিত কৰি ইতিমধ্যে তেওঁৰ কৰ্মৰাজিক স্বীকৃতি প্রদান কৰিছে। একান্ত ইচ্ছা আৰু আগ্ৰহৰ ভিত্তিত অংকনৰ সাধনা কৰা বিশ্বজিৎ সোণোৱালে চিত্রাংকণৰ কোনো আনুষ্ঠানিক শিক্ষা লোৱা নাছিল। সোণোৱাল কাকপথাৰ সৰু মাইথং গাঁৱৰ বিমল সোণোৱাল আৰু অনিমা সোণোৱালৰ সুযোগ্য সন্তান।
