ভাৰতত আশ্ৰয় লৈ থাকিলেও বিপদত শ্বেইখ হাছিনা, ৬ মাহৰ কাৰাদণ্ড

ভাৰতত আশ্ৰয় লৈ থাকিলেও বিপদত পৰিছে বাংলাদেশৰ প্ৰাক্তন প্ৰধানমন্ত্ৰী শ্বেইখ হাছিনা। বাংলাদেশত ৬ মাহৰ বাবে কাৰাদণ্ড বিহা হৈছে প্ৰাক্তন প্ৰধানমন্ত্ৰী শ্বেইখ হাছিনাক। বাংলাদেশৰ আন্তঃৰাষ্ট্ৰীয় অপৰাধ ন্যায়াধিকৰণে ৬ মহাৰ বাবে কাৰাদণ্ড ঘোষণা বিহিছে শ্বেইখ হাছিনাক।  বাংলাদেশৰ আন্তঃৰাষ্ট্ৰীয় অপৰাধ ন্যায়াধিকৰণৰ তিনিজনীয়া বিচাৰপীঠে শাস্তি ঘোষণা কৰিছে হাছিনাৰ। আদালত অৱমাননা কৰাৰ অপৰাধত বাংলাদেশৰ ন্যায়াধিকৰণে ৬ মাহৰ বাবে কাৰাদণ্ড বিহিলে হাছিনাক। দেশান্তৰিত শ্বেইখ হাছিনাক প্ৰথমবাৰলৈ কাৰাদণ্ড বিহিলে বাংলাদেশৰ আন্তঃৰাষ্ট্ৰীয় অপৰাধ ন্যায়াধিকৰণে। 

বাংলাদেশৰ ছাত্ৰ আন্দোলনৰ সময়ত শ্বেইখ হাছিনাৰ নিৰ্দেশতে গণহত্যা সংঘটিত কৰাৰ অভিযোগ উত্থাপিত হৈছিল। শ্বেইখ হাছিনাৰ এটা ভাইৰেল ফোনকলৰ সন্দৰ্ভত বাংলাদেশৰ আন্তঃৰাষ্ট্ৰীয় অপৰাধ ন্যায়াধিকৰণত ৰুজু কৰা হৈছিল গোচৰ। ভাইৰেল ফোনকলত আদালতৰ বিৰুদ্ধে আপত্তিজনক মন্তব্য কৰিছিল প্ৰাক্তন প্ৰধানমন্ত্ৰী শ্বেইখ হাছিনাই। গোচৰটোৰ সন্দৰ্ভত আন এগৰাকী অভিযুক্ত শ্বকিল বুলবুলক ২ মাহৰ বাবে কাৰাদণ্ড বিহিছে ন্যায়াধিকৰণে।