গীৰ গাইৰ বিতৰ্কই খেদিছে বিজেপিৰ মন্ত্ৰী-বিধায়কক

গীৰ গাই ক্ৰয়ত দুৰ্নীতি সংঘটিত হৈছে বুলি CBI ৰ তদন্ত বিচাৰিলে অসম জাতীয় পৰিষদে। অসমত গীৰ গাই ক্ৰয়ত দুৰ্নীতি হোৱাৰ অভিযোগ তুলি প্ৰধানমন্ত্ৰী নৰেন্দ্ৰ মোদীলৈ পত্ৰ প্ৰেৰণ কৰিলে অসম জাতীয় পৰিষদে। গীৰ গাই ক্ৰয়ত নামত সংঘটিত হোৱা দুৰ্নীতিৰ তদন্ত প্ৰক্ৰিয়া সম্পন্ন নোহোৱা পৰ্যন্ত জয়ন্ত মল্ল বৰুৱাক মন্ত্ৰিত্বৰ  পৰা আঁতৰাই ৰাখিব লাগে!বৃহস্পতিবাৰে গুৱাহাটীত সংবাদ মেল অনুষ্ঠিত কৰি এই বিস্ফোৰক অভিযোগ উত্থাপন কৰিলে লুৰিণজ্যোতি গগৈয়ে। গীৰ গাই ক্ৰয়ত দুৰ্নীতি হোৱাৰ পাছতো কৃষি মন্ত্ৰী অতুল বৰাই গ্ৰহণ কৰা মৌনতাক লৈ মনত সন্দেহ সৃষ্টি হৈছে লুৰিণজ্যোতি গগৈৰ। কাৰণ ৰাষ্ট্ৰীয় দুগ্ধ উন্নয়ন বৰ্ডৰ সৈতে হোৱা চুক্তিৰ সময়ত বিভাগীয় মন্ত্ৰী আছিল অতুল বৰা!
সমগ্ৰ বিষয়টো মন্ত্ৰী অতুল বৰাৰ সৈতে জড়িত আছিল যদিও বিষয়টোৰ সংক্ৰান্তত অতুল বৰা মৌন কিয় বুলি প্ৰশ্ন লুৰিণজ্যোতি গগৈৰ। ২০২২ চনৰ ২ মাৰ্চত ৰঙিয়া ৰে'লৱে ষ্টেচনৰ পৰা ৯০ জনী গীৰ গাই অন্তৰ্ধান হোৱা বুলি অভিযোগ তুলি CBI ৰ তদন্ত বিচাৰিছে অসম জাতীয় পৰিষদে। কেবিনেট মন্ত্ৰীৰ পৰিয়ালে অনিয়ম সংঘটিত কৰি ২০ জনী গীৰ গাই লৈছিল বুলি প্ৰধানমন্ত্ৰীলৈ প্ৰেৰণ কৰা পত্ৰত উল্লেখ কৰিছে লুৰিণজ্যোতিয়ে। 

Share This Article
Leave a Comment

Leave a Reply

Your email address will not be published. Required fields are marked *