ৰাজ্যৰ বিভিন্ন প্ৰান্তৰ সমান্তৰালভাবে হোজাই জিলাটো জাপানীছ অনকেফ্লাইটিছ ৰোগত আক্ৰান্ত ৰোগীৰ সংখ্যা তিনিজন। তিনিওজনৰ ঘৰ হোজাই জিলাৰ তাৰালাংচু, উত্তৰ বান্দৰমেলা আৰু ভালুকমাৰীত। আটাইকেইজন গুৱাহাটীত চিকিৎসাধীন হৈ আছে। বৰ্তমান তিনিওজনেই সুস্থ বুলি জানিব পৰা গৈছে। ইতিমধ্যেই জিলা স্বাস্থ্য বিভাগৰ ফালৰ পৰা জিলাখনত ঠায়ে ঠায়ে সজাগতা সভা, ফ্ৰগিং, আঠুৱা ঔষধীকৰণ আদি ব্যৱস্থা কৰা হৈছে। জাপানীছ এনকেফ্লাইটিছ ,ডেংগো, মেলেৰীয়া ৰোগ যিহেতু মহৰ পৰাই হয় তাৰ বাবে ৰাইজক সজাগ কৰিবলৈ বিভিন্ন ব্যৱস্থা কৰা হৈছে বুলি বিভাগীয় স্বাস্থ্য বিভাগৰ বিষয়া গৰাকীয়ে জানিবলৈ দিয়ে।
