ছয়গাওঁত অনুষ্ঠিত কংগ্ৰেছৰ গোপন বৈঠকৰ খবৰ পৰিছেহি মুখ্যমন্ত্ৰী হিমন্ত বিশ্ব শৰ্মাৰ হাতত। কংগ্ৰেছৰ সতীৰ্থ সন্মিলনৰ বৈঠকত মুখ্যমন্ত্ৰী হিমন্ত বিশ্ব শৰ্মাক শীঘ্ৰেই জে'ললৈ পঠোৱা হ'ব বুলি দাবী কৰিছিল ৰাহুল গান্ধীয়ে।
ছয়গাওঁত অনুষ্ঠিত কংগ্ৰেছৰ সতীৰ্থ সন্মিলনৰ বৈঠকত ৰাহুল গান্ধীয়ে এই মন্তব্য কৰা বুলি দাবী কৰিলে মুখ্যমন্ত্ৰী হিমন্ত বিশ্ব শৰ্মাই।
ছ'চিয়েল মিডিয়াৰ যোগে এই বিস্ফোৰণ ঘটালে মুখ্যমন্ত্ৰী হিমন্ত বিশ্ব শৰ্মাই।
সমগ্ৰ দেশতে ৰাহুল গান্ধীৰ বিৰুদ্ধে বিভিন্ন গোচৰ ৰুজু হৈ আছে আৰু তেওঁ জামিনতহে মুকলি আছে বুলি ছ'চিয়েল মিডিয়াত প্ৰত্যুত্তৰ মুখ্যমন্ত্ৰীৰ।
এতিয়া প্ৰশ্ন হৈছে গাড্ডাৰ চিনাক্ত কৰিব নোৱাৰা প্ৰদেশ কংগ্ৰেছৰ নেতৃত্বতই এতিয়া কেনেকৈ চিনাক্ত কৰিব ঘৰ বিভীষণক ?
প্ৰদেশ কংগ্ৰেছৰ বিষয়ববীয়া, সাংসদ, বিধায়ক আৰু জিলা সভাপতিসকলৰ সৈতে হোটেল কিৰণশ্ৰী গ্ৰেণ্ডত বৈঠকত বহিছিল ৰাহুল গান্ধী। কংগ্ৰেছৰ সেই গোপন বৈঠকৰ প্ৰতিটো তথ্য দ্বাৰৰ যোগে লাভ কৰিছিল মুখ্যমন্ত্ৰী হিমন্ত বিশ্ব শৰ্মাই।
