পাহাৰে-অৰণ্যই ঘূৰি অৱশেষত গেৰুৱা হ'ল দৃষ্টি ৰাজখোৱা

গেৰুৱা বসন পিন্ধিলে প্ৰাক্তন আলফা নেতা দৃষ্টি ৰাজখোৱাই। এক দীঘলীয়া পৰিক্ৰমা, স্বাধীন অসমৰ লক্ষ্যৰে সশস্ত্ৰ পন্থা হাতত লোৱা আলফা স্বাধীনৰ নেতা দৃষ্টি ৰাজখোৱাই আজি পৰিধান কৰিলে গেৰুৱা সাজ। আলফাৰ প্ৰাক্তন উপ-সেনাধ্যক্ষ দৃষ্টি ৰাজখোৱা। স্বাধীন অসমৰ সপোন দেখি হাতত মাৰানাস্ত্ৰলৈ দীৰ্ঘদিন  পাহাৰে-অৰণ্যই ঘূৰি পৰৱৰ্তী সময়ত মূলসুঁতিলৈ আহিছিল দৃষ্টি ৰাজখোৱা। এক দীঘলীয়া পৰিক্ৰমাৰ অন্তত আজি গুৱাহাটীৰ বশিষ্ঠস্থিত বিজেপিৰ ৰাজ্যিক কাৰ্যালয়ত  সভাপতি দিলীপ শইকীয়াৰ উপস্থিতিত ৰাষ্ট্ৰীয়তাবাদী দল বিজেপিত যোগদান কৰিলে এসময়ত বৈজ্ঞানিক সমাজবাদৰ কথা কোৱা দৃষ্টি ৰাজখোৱাই।