চকুৰ সন্মূখতেই পিতৃয়ে কেনেদৰে হত্যা কৰিছিল মাতৃক । কণমানি কন্যাই দি গল ভয়ংকৰ ঘটনাৰ বিৱৰণ । পৰ-পুৰুষৰ সৈতে সম্পৰ্ক থকাৰ সন্দেহত পত্নীক হ*ত্যা কৰিলে স্বামীয়ে।
তিনিচুকীয়াৰ আজাদ ৰোডত বৃহস্পতিবাৰে সন্ধিয়া সংঘটিত হৈছিল চাঞ্চল্যকৰ হ*ত্যাকাণ্ড । কন্যাৰ সন্মূখতেই কিশোৰ তাঁতীয়ে পটাৰে মৰিয়াই হত্যা কৰিছিল পত্নী মনিকা মৰাণ তাঁতীক। গুৰুতৰভাৱে আঘাতপ্ৰাপ্ত মনিকা মৰাণ তাঁতীক ডুমডুমা FRUত ভৰ্তি কৰোৱা হৈছিল। পিছে চিকিৎসলয় পোৱাৰ পিছতেই চিকিৎসকে মৃত ঘোষণা কৰে মনিকা মৰাণ তাঁতীক।
পত্নী হত্যাকাৰী কিশোৰ তাঁতী অসম বিদ্যুত বিতৰণ বিভাগৰ অৱসৰপ্ৰাপ্ত কৰ্মচাৰী । কিছুদিনৰ পৰা পত্নী মনিকাক অন্য লোকৰ সৈতে সম্পৰ্ক থকাৰ সন্দেহ কৰি আহিছিল কিশোৰ তাঁতীয়ে। পত্নী হত্যাকাৰী কিশোৰ তাঁতী বৰ্তমানেও পলাতক হৈ আছে। নিৰাপত্তাহীনতাত ভুগি ডুমডুমা মহিলা সমিতিৰ কাষ চাপিল কনমানি কন্যাই। কেনেদৰে চকুৰ সন্মূখতেই মাতৃক হত্যা কৰা হৈছিল ভয়ংকৰ বিৱৰণ দিলে কণমানি কন্যাই।
