এগৰাকী ন বোৱাৰীৰ ৰহস্যজনক মৃত্যুক কেন্দ্ৰ কৰি শুৱালকুছি চিকিৎসালয়ত উত্তপ্ত পৰিস্থিতি। কামৰূপৰ হাজো ৰাজহ চক্ৰৰ অন্তৰ্গত দামপুৰৰ বালাসেৰা গাঁৱৰ ন-বোৱৰীৰ মৃত্যুক কেন্দ্ৰ কৰি শুকুৰবাৰে শুৱালকুছি চিকিৎসালয়ত সৃষ্টি হৈছে উত্তপ্ত পৰিস্থিতি। বোৱৰী জনীৰ পিতৃ গৃহৰ পৰিয়ালৰ অভিযোগ অনুসৰি চাৰিদিনৰ পূৰ্বে প্ৰেম জনীত কাৰণত দামপুৰৰ বালাসেৰা গাঁৱৰ তহিদুৰ ৰহমান নামৰ যুৱকৰ লগত ঘৰৰ অমতত পলাই গৈ বিয়া হৈছিল।
দেওবাৰে বৈবাহিক মাংগলিক কাৰ্য্য সম্পন্ন কৰাৰ যো-জা কৰি থকাৰ সময়তে শুকুৰবাৰে দিনৰ ২ বজাত বোৱাৰীগৰাকীক অসুস্থ অৱস্থাত স্বামী গৃহৰ পৰিয়ালে শুৱালকুছি চিকিৎসালয় লৈ আহে। চিকিৎসকে বোৱাৰী গৰাকীৰ স্বাস্থ্য পৰীক্ষা কৰাৰ পিছতে বোৱাৰী গৰাকীক মৃত বুলি ঘোষণা কৰে। অভিযোগ অনুসৰি স্বামী গৃহৰ পৰিয়ালে বোৱাৰী গৰাকী মৃত বুলি গম পোৱাৰ পিছতে চিকিৎসালয়তে মৃতদেহ এৰি স্বামী গৃহৰ পৰিয়ালে পলায়ন কৰে ।
ইতিমধ্যে ঘটনা সন্দৰ্ভত স্বামী তহিদুৰ ৰহমানক শুৱালকুছি আৰক্ষীয়ে আটক কৰিছে।
ইফালে বোৱাৰীৰ গৰাকীৰ মৃত্যুৰ খবৰ বিয়পি পৰাৰ লগে লগে মাতৃ গৃহৰ পৰিয়ালৰ লোক শুৱালকুছি চিকিৎসালয়ত উপস্থিত হৈ ই এক পৰিকল্পিত হত্যাকাণ্ড বুলি দাবী কৰাৰ লগতে, দোষীৰ কঠোৰ শাস্তিৰ দাবী তোলে।
ঘটনাস্থলীত হাজো ৰাজহ চক্ৰ বিষয়া উপস্থিত হৈ হাজো আৰক্ষীক মৃতদেহটো মৰোনোত্তৰ পৰিক্ষাৰ বাবে প্ৰেৰণ কৰিছে।
