মহানগৰত পুনৰ পৰকীয় প্ৰেমৰ বাবে প্ৰাণ গল এজন যুৱকৰ। উলুবাৰীৰ এটা ভাড়াঘৰত উদ্ধাৰ যুৱকৰ মৃতদেহ । পৰকীয় প্ৰেমৰ বাবে এই ঘটনা সংঘটিত হোৱাৰ সন্দেহ পৰিয়ালৰ । মৃত্যু হোৱা যুৱকজন জালুকবাৰীৰ বাবুল আলি ।
উলুবাৰীত এগৰাকী মহিলাৰ সৈতে বৃহস্পতিবাৰে নিশা ভাড়াঘৰত সময় কটাইছিল বাবুলে। বিবাহিত বাবুলে ৰিহাব চেণ্টাৰলৈ যাম বুলি নিশা ৯:৩০ বজাত ফোন কৰিছিল পত্নীক । ইয়াৰ পাছতেই ৰহস্যজনকভাৱে নিশা বাবুলৰ মৃত্যুৰ খবৰ আহে পৰিয়াললৈ । বাবুলৰ মৃত্যুৰ খবৰ পৰিয়ালক জনাইছিল ভাড়াঘৰত একেলগে থকা মহিলাগৰাকীয়ে।
এই সমগ্ৰ ঘটনাৰ লগত উলুবাৰী ভাড়াতীয়া মহিলাগৰাকী জড়িত বুলি সন্দেহ পৰিয়ালৰ লোকৰ। মৃত বাবুলৰ ডিঙিৰ অংশত আছে কটা চিন। বাবুলৰ মৃতদেহ বৰ্তমান মৰণোত্তৰ পৰীক্ষাৰ বাবে GMCHৰ মৰ্গলৈ প্ৰেৰণ কৰা হৈছে । ঘটনা সন্দৰ্ভত পৰিয়ালৰ লোকৰ এজাহাৰ দাখিল ভঙাগড় আৰক্ষী থানাত।
