অৰবিন্দ কেজৰিৱালৰ পাছত সুৰা কেলেংকাৰিৰ ভূতে খেদিছে আন এগৰাকী প্ৰাক্তন মুখ্যমন্ত্ৰীক। সুৰা কেলেংকাৰিৰ গোচৰত এনফৰ্চমেন্ট ডাইৰেক্টৰেটে গ্ৰেপ্তাৰ কৰিলে প্ৰাক্তন মুখ্যমন্ত্ৰীৰ পুত্ৰক। ছত্তিশগড়ৰ প্ৰাক্তন মুখ্যমন্ত্ৰী ভূপেশ বাঘেলৰ পুত্ৰক গ্ৰেপ্তাৰ কৰিলে এনফৰ্চমেন্ট ডাইৰেক্টৰেটে। ২,১০০ কোটি টকাৰ সুৰা কেলেংকাৰিৰ গোচৰত গ্ৰেপ্তাৰ হৈছে ছত্তিশগড়ৰ প্ৰাক্তন মুখ্যমন্ত্ৰী ভূপেশ বাঘেলৰ পুত্ৰ চৈতন্য বাঘেল। মানি লণ্ডাৰিং প্ৰতিৰোধ আইনৰ ১৯ ধাৰাৰ অধীনত গ্ৰেপ্তাৰ ছত্তিশগড়ৰ প্ৰাক্তন মুখ্যমন্ত্ৰী ভূপেশ বাঘেলৰ পুত্ৰ।'একালৰ বৃন্দাবন, একালত পৰে চন' অসমীয়াৰ এই আপ্তবাক্যশাৰীয়ে সত্য প্ৰমাণিত হৈছে ভূপেশ বাঘেলৰ ক্ষেত্ৰত।
শুকুৰবাৰে ৫ দিনৰ বাবে এনফৰ্চমেন্ট ডাইৰেক্টৰেটে নিজৰ জিম্মাত লৈছে মুখ্যমন্ত্ৰী ভূপেশ বাঘেলৰ পুত্ৰ চৈতন্য বাঘেলক। শুকুৰবাৰে নিজ বাসগৃহৰ পৰাই ছত্তিশগড়ৰ প্ৰাক্তন মুখ্যমন্ত্ৰী ভূপেশ বাঘেলৰ পুত্ৰক গ্ৰেপ্তাৰ কৰে এনফৰ্চমেন্ট ডাইৰেক্টৰেটে। জন্মদিনৰ দিনটোতে নিজ বাসগৃহৰ পৰা এনফৰ্চমেন্ট ডাইৰেক্টৰেটে গ্ৰেপ্তাৰ কৰে চৈতন্য বাঘেলক। বিগত ৩০ জুনত ছত্তিশগড়ৰত সংঘটিত সুৰা কেলেংকাৰিৰ গোচৰটোৰ সন্দৰ্ভত চাৰ্জশ্বীট দাখিল কৰিছিল আৰ্থিক অপৰাধ অনুসন্ধান শাখাই। পিতৃ ছত্তিশগড়ৰৰ মুখ্যমন্ত্ৰী হৈ থকাৰ সময়তে ক্ষমতাৰ অপব্যৱহাৰ কৰি সুৰাৰ ছিণ্ডিকেট চলাইছিল চৈতন্য বাঘেলে।
২০১৯ চনৰ পৰা ২০২২ চনৰ ভিতৰত ছত্তিশগড়ত সংঘটিত হৈছিল এই সুৰা কেলেংকাৰিৰ ঘটনা। উল্লেখযোগ্য যে,২০১৮ চনৰ পৰা ২০২৩ চনৰ ১৩ ডিচেম্বৰলৈ ছত্তিশগড়ৰ মুখ্যমন্ত্ৰী আছিল চৈতন্য বাঘেলৰ পিতৃ ভূপেশ বাঘেল।
