BJPৰ আগ্ৰাসনত বড়ো নেতৃত্ব! হাগ্ৰামাৰ দৰেই হ'ব নেকি প্ৰমোদ বড়োৰ?

BTRত খাল খান্দি ঘঁৰিয়াল চপালে বড়ো নেতৃত্বই !

BJPক ৰঙাদলিছা পাৰি দি নিজৰেই বিপদত বাঢ়াল বড়ো নেতৃত্বই!

BJPৰ আগ্ৰাসনত অস্তিত্বৰ সংকট বড়ো নেতৃত্ব!

প্ৰমোদ বড়োৰো গতি হ'ব নেকি হাগ্ৰামাৰ দৰেই ?

BJPৰ আগ্ৰাসী ৰূপত শংকিত-ক্ষোভিত মিত্ৰ দল UPPL। 

পুখুৰীত ডাঙৰ মাছ থাকিলে সৰু সৰু মাছবোৰক গিলি শেষ কৰাৰ বিষয়ে সকলো অৱগত। ঠিক একেদৰে ৰাজনীতিৰ পথাৰত BJPয়ে গিলি শেষ কৰি আহিছে ইটোৰ পিছত সিটো আঞ্চলিক দলক। 

ৰাষ্ট্ৰীয় প্ৰেক্ষাপটত JDU, শিৱসেনা, অকালী দলৰ দৰে  ৰাজ্যৰ ৰাজনীতিতো BJPৰ লগত থাকিনিজস্ব হেৰুৱাই পৰজীৱি হৈ পৰা অগপৰ অৱস্থা সকলোৱে দেখিছে। BJPৰ এই আগ্ৰাসন ৰাষ্ট্ৰীয় অথবা ৰাজ্যিক ক্ষেত্ৰতে সীমাবদ্ধ হৈ থকা নাই। ক্ষমতা সৰ্বোচ্চ BJPৰ চকু পৰিছে ষষ্ঠ অনুসূচীৰ অন্তৰ্গত পৰিষদীয় অঞ্চল সমূহত। অসমৰ কাৰ্বি স্বায়ত্ব শাসিত পৰিষদ আৰু ডিমা হাছাও স্বয়ত্ব শাসিত পৰিষদ BJPয়ে নিজৰ দখল লৈ অনাৰ পাছত এইবাৰ বড়োলেণ্ড স্বায়ত্ব শাসিত পৰিষদ অৰ্থাৎ BTC দখল কৰিবলৈ। 

 চল বল কৌশল সকলো প্ৰয়োগ কৰি খেলিছে ৰাজনীতিৰ জটিল পাশাখেল। বিগত নিৰ্বাচনত চক্ৰান্তৰে প্ৰমোদ বড়োৰ UPPL দলৰ সৈতে অন্তিম মুহূৰ্তত মিত্ৰতা কৰি BTCত শক্তিশালী হাগ্ৰামা মহিলাৰীৰ ১৭ বছৰীয়া শাসনৰ অন্ত পেলোৱাৰ পাছত বিগত চাৰে চাৰি বছৰে BTCত জুনিয়ৰ ব্ৰাডাৰৰ ভূমিকাত থকা BJPয়ে এইবাৰ মন মেলিছে BTRৰ কিং হোৱাৰ। 

সেই পৰিকল্পনাৰে ইতিমধ্যে BJPয়ে আৰম্ভ কৰিছে মিছন BTR। মিছন BTRৰ প্ৰস্তুতিৰ অংশ হিচাপে বৃহস্পতিবাৰে BTRৰ ৪০টা পৰিষদীয় সমষ্টিৰ প্ৰতিনিধিবৰ্গক লৈ অনুষ্ঠিত কৰিলে মাৰাথান বৈঠক। বিষদভাবে পৰ্যলোচনা কৰা হয় প্ৰতিটো সমষ্টিৰ । উক্ত বৈঠকতে সিদ্ধান্ত লোৱা হয় । 

BTCৰ নিৰ্বাচনত শক্তিশালী ৰূপত নামিব BJP।  ২ আগষ্টৰ পৰা ২০ আগষ্টলৈ সমষ্টিয়ে সমষ্টিয়ে হ'ব বিশাল কৰ্মীসভা। উপস্থিত থাকিব মুখ্যমন্ত্ৰী হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱাল আৰু ৰাজ্যিক BJPৰ সভাপতি দিলীপ শইকীয়া। এই সভাৰ জৰিয়তে প্ৰতিটো সমষ্টিতে ৰণডংকা বজাব BJPয়ে। 

মুঠৰ ওপৰত যিকোনো প্ৰকাৰে এইবাৰ BTR দখল কৰিবলৈ চেষ্টা চলাব BJPয়ে। BJPৰ এই আগ্ৰাসী স্বৰূপত দেখি এতিয়া ভৰিৰ তলৰ ভূমি হেৰুৱাৰ শংকাত ভুগিছে মিত্ৰদল UPPLয়ে। ২০২০ত হাগ্ৰামা মহিলাৰী অৱস্থা হোৱাৰ দৰেই প্ৰমোদ বড়োই নিজৰ অৱস্থা হোৱাৰ যেন পাইছে উমান। পৰিণতিত এতিয়া BJPৰ এই আগ্ৰাসী চৰিত্ৰ দেখি ক্ষোভিত হৈ পৰিছে UPPL দল। 

BTCৰ নিৰ্বাচনত প্ৰতিযোগিতা নকৰাকৈ BJPয় অৱৰ্তীন হব বুলি মুখ্যমন্ত্ৰীয়ে কৰা মন্তব্যক উভতি ধৰি UPPLৰ প্ৰত্যুত্তৰ

'নিৰ্বাচনত ভাগ লোৱা মানেই প্ৰতিযোগিতা'

'নিৰ্বাচনত অনা বড়োৰ সুৰক্ষাৰ বিষয় মুখ্যমন্ত্ৰীয়ে তুলি পুনৰ অশান্তি বিয়পাব বিচাৰিছে'

'মুখ্যমন্ত্ৰীৰ এনে কথাই শান্ত BTRক পুনৰ অশান্ত কৰিব'  

এনে বিভাজনকামী কথাৰে 'আন্দোলনকাৰী বড়ো নেতৃত্বৰ পৰা ক্ষমতা কাঢ়ি নিব বিচাৰিছে BJPয়ে, এই অভিযোগ UPPLনেতৃত্বৰ। 

UPPL নেতা গৰাকীয়ে মিত্ৰ দল BJPৰ প্ৰতি এই বিস্ফোৰক অভিযোগ সমূহ উত্থাপন কৰাৰ লগতেই ২০০৩ চনৰ BTC চুক্তিৰ প্ৰসংগ উত্থাপন কৰি বৰ্তমানৰ মুখ্যমন্ত্ৰী হিমন্ত বিশ্ব শৰ্মাক চোকা সমালোচনা কৰাৰ সমান্তৰাল ভাৱে প্ৰশংসা কৰে তদানীন্তন মুখ্যমন্ত্ৰী তৰুণ গগৈক। 

নিৰ্বাচন লৈ দুটা মাহ বাকী থকাৰ সময়ত BTRৰ শাষনাধিস্থ দুই মিত্ৰ দলৰ মাজত লগা এই সংঘাততে কি ৰূপ ধাৰণ কৰে সেয়া সময়ত হব লক্ষণীয় । কিন্তু তাৰ পূৰ্বে এটা কথা নিশ্চিত হৈ পৰিছে যে, বহুধা বিভক্ত হৈ পৰা শক্তিশালী বড়ো নেতৃত্বৰ মাজত ক্ষমতাক লৈ সৃষ্টি হোৱা খোৱা কামোৰাৰ পৰিণতিত দুৰ্বল হৈ পৰিব বড়ো জাতীয়তাবাদ, দুৰ্বল হৈ পৰিব শক্তিশালী বড়ো জাতি। কিয়নো ৰাষ্ট্ৰীয়তাবাদী ৰাজনৈতিক দল সমূহৰ বাবে বড়ো জাতি সত্তাৰ দৰে সৰু সৰু জাতি সত্তা সমূহ মূল্যহীন , গুৰুত্ব হীন সেয়া সময়ে সময়ে হৈ আহিছে প্ৰমাণ।