গুৱাহাটীত ‘ঈশ্বৰ পুত্ৰ’ নাটকৰ এখন প্ৰদৰ্শনীৰ সমগ্ৰ আয় কলাগুৰু আৰ্টিষ্ট ফাউণ্ডেচনলৈ দান কৰিলে হেঙুল থিয়েটাৰে।
গুৱাহাটী: প্ৰয়াত শিল্পী জুবিন গাৰ্গৰ স্মৃতিত হেঙুল থিয়েটাৰে ‘ঈশ্বৰ পুত্ৰ’ নাটকৰ এখন প্ৰদৰ্শনীৰ সমগ্ৰ আয় কলাগুৰু আৰ্টিষ্ট ফাউণ্ডেচনলৈ দান কৰিছে।
দেওবাৰে গুৱাহাটীৰ গণেশগুৰিস্থিত গোপাল বড়ো চৰকাৰী উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত তিনিদিনীয়া উৎসৱৰ দ্বিতীয় দিনৰ তৃতীয়খন প্ৰদৰ্শনীৰ পৰা এই ধন সংগ্ৰহ কৰা হয়।
জুবিন গাৰ্গে অভাৱগ্ৰস্ত লোকক সহায়ৰ বাবে গঢ়ি তোলা কলাগুৰু আৰ্টিষ্ট ফাউণ্ডেচনৰ হৈ ৰাহুল গৌতম শৰ্মা আৰু জয়ন্ত কাকতিয়ে ধন গ্ৰহণ কৰে।
হেঙুল থিয়েটাৰৰ পৰিচালক-প্ৰযোজক সংকল্পজিত হাজৰিকাই কয় যে, তেওঁলোকে ইয়াৰ পূৰ্বেও কলাগুৰু ফাউণ্ডেচনলৈ দান আগবঢ়াইছে।
newznow.in