আহোম স্বৰ্গদেউ প্ৰমত্ত সিংহই পিতৃ ৰুদ্ৰ সিংহৰ স্মৃতিত ১৭৪৯ খ্ৰীষ্টাব্দত নিৰ্মাণ কৰাইছিল ৰুদ্ৰেশ্বৰ দেৱালয়।
উত্তৰ গুৱাহাটী, ১১ নৱেম্বৰ: ব্ৰহ্মপুত্ৰৰ উত্তৰ পাৰত অৱস্থিত ঐতিহাসিক উত্তৰ গুৱাহাটীৰ ৰুদ্ৰেশ্বৰ দেৱালয় আহোম যুগৰ ইতিহাস, পিতৃৰ প্ৰতি পুত্ৰৰ শ্ৰদ্ধা আৰু স্থাপত্যকলাৰ এক উল্লেখযোগ্য নিদৰ্শন।
স্বৰ্গদেউ ৰুদ্ৰ সিংহই ১৬৯৬ চনৰ পৰা ১৭১৪ খ্ৰীষ্টাব্দলৈ আহোম ৰাজ্য শাসন কৰিছিল।
ঐতিহাসিক বিৱৰণ অনুসৰি, ৰুদ্ৰ সিংহই শাসনকালৰ শেষৰ ফালে আহোম ৰাজ্যৰ সীমা পশ্চিমলৈ কৰতোৱা নদীলৈকে বিস্তাৰৰ পৰিকল্পনা কৰিছিল।
কিন্তু অভিযান সম্পূৰ্ণ হোৱাৰ পূৰ্বেই অসুস্থ হৈ ১৭১৪ চনৰ আগষ্ট মাহত গুৱাহাটীৰ শিবিৰত ৰুদ্ৰ সিংহৰ মৃত্যু হয়।
newznow.in