ইণ্ডোনেছিয়াৰ বাণ্টেন প্ৰদেশৰ এখন মিঠাই কাৰখানাত সংঘটিত ভয়ংকৰ অগ্নিকাণ্ডত কমেও তিনিজন লোক নিহত হোৱাৰ লগতে ৩৬জন শ্ৰমিক নিখোঁজ হৈ আছে।
ৰাজধানী জাকাৰ্টাৰ পৰা প্ৰায় ৫০ কিলোমিটাৰ পশ্চিমে অৱস্থিত চেৰাং জিলাৰ চিকাণ্ডে অঞ্চলৰ পিটি ফনুছা আগুং মুলিয়া নামৰ কাৰখানাটোত শনিবাৰে বিয়লি প্ৰায় ৫ বজাত এই জুই লাগে।
বাণ্টেনৰ অনুসন্ধান আৰু উদ্ধাৰ সংস্থাৰ তথ্য অনুসৰি, ঘটনাস্থলীৰ পৰা তিনিজন লোকৰ মৃতদেহ উদ্ধাৰ কৰা হৈছে।
অগ্নিকাণ্ডৰ প্ৰকৃত কাৰণ এতিয়াও নিশ্চিত হোৱা নাই যদিও জীৱন্তে ৰক্ষা পোৱা একাংশ শ্ৰমিকে জনোৱা মতে, অট্টালিকাটোৰ তৃতীয় মহলাত থকা এটা কুলিং ইউনিটৰ ওচৰৰ পৰাই প্ৰথমে জুইৰ সূত্ৰপাত ঘটিছিল।
দেওবাৰেও কাৰখানাটোৰ ভিতৰত উদ্ধাৰ অভিযান অব্যাহত থাকে।
newznow.in