জিলা আয়ুক্ত মৃদুল যাদৱৰ অনুপস্থিতিত শিৱসাগৰ জিলা প্ৰশাসনৰ সৈতে আটাছুৰ আলোচনা বিফল হয়।
শিৱসাগৰ, ৩১ অক্টোবৰঃ ঐতিহ্য সংৰক্ষণ আৰু যমুনাৰ বেদখল উচ্ছেদৰ দাবীত অহা ৬ নৱেম্বৰত ১২ ঘণ্টীয়া শিৱসাগৰ জিলা বন্ধৰ আহ্বান জনাইছে আটাছুৱে।
জানিব পৰা মতে, আজি শিৱসাগৰ জিলা প্ৰশাসনে আলোচনাৰ বাবে আটাছুৰ কেন্দ্ৰীয় নেতৃত্বক আমন্ত্ৰণ জনাইছিল।
আলোচনা বিফল হোৱাৰ পিছতে আটাছুৰ সভাপতি বসন্ত গগৈয়ে ৬ নৱেম্বৰত ১২ ঘণ্টীয়া শিৱসাগৰ জিলা বন্ধৰ আহ্বান জনায়।
আটাছুৰ এই বন্ধৰ আহ্বানৰ পিছত বিষয়টোৱে শিৱসাগৰত নতুনকৈ চৰ্চা লাভ কৰিছে।
newznow.in