দীপাৱলীৰ পাছত গুৱাহাটীত ৩ হাজাৰৰো অধিক পৰিচ্ছন্নতা কৰ্মীক নিয়োগ কৰি পুৱা ৩ বজাৰ পৰা বিশেষ অভিযান চলাব জিএমচিয়ে।
গুৱাহাটী, ৮ নৱেম্বৰ: দীপাৱলীৰ পাছত নগৰখনত পৰি থকা কলগছ, ফটকাৰ আৱৰ্জনা আৰু অন্যান্য জাবৰ আঁতৰাবলৈ পুৱা প্ৰায় ৩ বজাৰ পৰা বিশেষ চাফা অভিযান আৰম্ভ কৰিব গুৱাহাটী পৌৰ নিগমে।
স্বচ্ছ কৰ্মী আৰু স্বচ্ছ সখীসকলে দীপাৱলীৰ পিছদিনা পুৱতি নিশাৰ পৰাই কাম আৰম্ভ কৰিব।
গুৱাহাটীৰ মেয়ৰ মৃগেন শৰণীয়াই জনায় যে, পুৱা ৩ বজাৰ পৰা অভিযান চলোৱা হ'ব।
গণেশগুৰি, পাল্টন বজাৰ আৰু ফাঁচী বজাৰৰ দৰে অঞ্চলত বিক্ৰেতাসকলে বিক্ৰী নোহোৱা কলগছ বিক্ৰীস্থলীতে এৰি থৈ যোৱাৰ ফলত আৱৰ্জনা জমা হয় বুলি মেয়ৰগৰাকীয়ে উল্লেখ কৰে।
newznow.in