এজাক ঘনচিৰিকাৰ সুৰক্ষাৰ বাবে গুৱাহাটী মহানগৰীৰ গণেশগুৰিৰ GS Roadৰ এটা নিৰ্দিষ্ট অংশক ফটকা নিষিদ্ধ এলেকা ঘোষণা কৰিছে অসম আৰক্ষীয়ে।
দীপাৱলীৰ আনন্দৰ মাজতে এজাক সৰু চৰাইৰ সুৰক্ষাৰ বাবে বিশেষ পদক্ষেপ গ্ৰহণ কৰিছে অসম আৰক্ষীয়ে।
অসম আৰক্ষীৰ এই বিশেষ পদক্ষেপ অনুসৰি, গণেশগুৰিৰ লুই ফিলিপ বিপণিৰ পৰা এপ'ল’ হাস্পতাললৈকে GS Roadৰ নিৰ্দিষ্ট পথছোৱা ফটকা নিষিদ্ধ এলেকা হিচাপে ঘোষণা কৰা হৈছে।
এই পথছোৱাত যাতে কোনেও আতচবাজি বা ফটকা ফুটাই চৰাইবোৰক আতংকিত নকৰে, তাৰ বাবে বিশেষ সতৰ্কতা অৱলম্বন কৰা হৈছে।
গণেশগুৰিৰ এই অঞ্চলত এজাক ঘনচিৰিকাই আশ্ৰয় লৈ আছে।
newznow.in