দিল্লী-এনচিআৰত বায়ু প্ৰদূষণৰ মুখ্য কাৰণ যানবাহনৰ নিৰ্গমন: সৰ্বোচ্চ ন্যায়ালয়

দিল্লী-এনচিআৰত যানবাহনৰ ধোঁৱা বায়ু প্ৰদূষণৰ অন্যতম মুখ্য কাৰণ বুলি উল্লেখ কৰি সৰ্বোচ্চ ন্যায়ালয়ে দিল্লীসহ সংশ্লিষ্ট ৰাজ্যসমূহৰ পৰা বিশদ কৰ্মপৰিকল্পনা বিচাৰিছে।

মুখ্য ন্যায়াধীশ সূৰ্য কান্ত, ন্যায়াধীশ জয়মাল্য বাগচী আৰু ন্যায়াধীশ ভি মোহনাৰ বিচাৰপীঠে বায়ু প্ৰদূষণ নিয়ন্ত্ৰণৰ বিধিবদ্ধ ব্যৱস্থাৰ সৈতে জড়িত স্বতঃপ্ৰণোদিত গোচৰটোৰ শুনানি গ্ৰহণ কৰে।

- দিল্লী চৰকাৰ, দিল্লী পৌৰ নিগম, দিল্লী আৰক্ষীৰ যান-বাহন শাখা আৰু তিনিখন ৰাজ্য চৰকাৰৰ পৰা প্ৰদূষণ নিয়ন্ত্ৰণৰ ব্যৱস্থা সন্দৰ্ভত তথ্য বিচৰা হৈছে।