৩০ নৱেম্বৰত অনুষ্ঠিত হ'বলগীয়া মিচিং স্বায়ত্তশাসিত পৰিষদ নিৰ্বাচনৰ বাবে ঢকুৱাখনাৰ বিভিন্ন সমষ্টিৰ প্ৰাৰ্থীয়ে মনোনয়ন পত্ৰ দাখিল কৰিছে।
ঢকুৱাখনা: অহা ৩০ নৱেম্বৰত অনুষ্ঠিত হ'বলগীয়া মিচিং স্বায়ত্তশাসিত পৰিষদৰ ৪০টা সমষ্টিৰ নিৰ্বাচনক কেন্দ্ৰ কৰি ঢকুৱাখনা মহকুমাত তৎপৰতা বৃদ্ধি পাইছে।
অৱনৰী সমষ্টিৰ পৰা ভাৰতীয় জনতা পাৰ্টিৰ প্ৰাৰ্থী ডাঃ ভূপেন কামানে মনোনয়ন পত্ৰ দাখিল কৰে।
একেটা সমষ্টিৰ পৰা ভাৰতীয় জাতীয় কংগ্ৰেছৰ মনোনীত প্ৰাৰ্থী মনালিছা কামান নৰহেও মনোনয়ন পত্ৰ দাখিল কৰে।
বৰনৈ সমষ্টিৰ পৰা মিত্ৰশক্তিৰ প্ৰাৰ্থী তথা পৰিষদৰ তদানীন্তন অধ্যক্ষ সুনীল কুমাৰ পেগু আৰু খেৰকতা-ডাংধৰা সমষ্টিৰ প্ৰাৰ্থী ইন্দ্ৰ কুমাৰ চুংক্ৰাঙেও মনোনয়ন পত্ৰ দাখিল কৰে।
newznow.in