এশ বছৰতকৈও অধিক সময় অক্সফৰ্ড বিশ্ববিদ্যালয়ৰ Pitt Rivers Museum-ত সংৰক্ষিত হৈ থকা নগা জনগোষ্ঠীৰ ৩৯টা পূৰ্বপুৰুষৰ দেহাৱশেষ নাগালেণ্ডলৈ ঘূৰাই অনা হৈছে।
কোহিমা, ১০ নৱেম্বৰ: এশ বছৰতকৈও অধিক সময় ধৰি ব্ৰিটেইনৰ অক্সফৰ্ড বিশ্ববিদ্যালয়ৰ Pitt Rivers Museum-ত সংৰক্ষিত হৈ থকা নগা জনগোষ্ঠীৰ ৩৯টা পূৰ্বপুৰুষৰ দেহাৱশেষ অৱশেষত স্বদেশলৈ উভতাই অনা হৈছে।
Forum for Naga Reconciliation (FNR) আৰু Naga Tribe Hoho-ৰ প্ৰতিনিধিসকলে এই দেহাৱশেষ গ্ৰহণ কৰে।
FNR-এ মঙলবাৰে প্ৰকাশ কৰা এক বিবৃতি অনুসৰি, হস্তান্তৰ প্ৰক্ৰিয়া সম্পূৰ্ণ হোৱাৰ পিছত দেহাৱশেষসমূহ অক্সফৰ্ড বিশ্ববিদ্যালয়ৰ পৰা নাগালেণ্ড অভিমুখে যাত্ৰা আৰম্ভ কৰে।
১৮৮৪ চনত প্ৰতিষ্ঠা হোৱা Pitt Rivers Museum-ত বিশ্বৰ বিভিন্ন প্ৰান্তৰ পৰা সংগ্ৰহ কৰা সাংস্কৃতিক সামগ্ৰীৰ লগতে এই দেহাৱশেষসমূহো সংৰক্ষিত হৈ আছিল।
newznow.in