ত্ৰিপুৰাৰ জনজাতীয় সমাজক লৈ আপত্তিজনক মন্তব্য কৰাৰ অভিযোগত বক্সনগৰৰ বিজেপি বিধায়কগৰাকীয়ে ৰাজহুৱাভাৱে নিঃচৰ্ত ক্ষমা খোজাৰ দাবী জনাইছে পল ডাংছুৱে।
আগৰতলা, ১১ নৱেম্বৰ: ত্ৰিপুৰাৰ জনজাতীয় সমাজক লৈ বক্সনগৰৰ বিজেপি বিধায়কগৰাকীয়ে আপত্তিজনক মন্তব্য কৰা বুলি অভিযোগ উত্থাপিত হোৱাক কেন্দ্ৰ কৰি বিতৰ্কৰ সৃষ্টি হৈছে।
সামাজিক মাধ্যমত প্ৰচাৰিত বিধায়কগৰাকীৰ নিৰ্বাচনী প্ৰচাৰৰ এটা ভিডিঅ’ সন্দৰ্ভত প্ৰতিক্ৰিয়া প্ৰকাশ কৰি ডাংছুৱে মন্তব্যটোক সংকীৰ্ণতা আৰু অহংকাৰৰ প্ৰকাশ বুলি অভিহিত কৰে।
ভিডিঅ’টোত জনজাতীয় লোকসকলে গাহৰিৰ সৈতে খায়, বংশবৃদ্ধি কৰে আৰু বাস কৰে বুলি মন্তব্য কৰা হৈছিল বুলি অভিযোগ উত্থাপন কৰি ডাংছুৱে আপত্তি প্ৰকাশ কৰে।
ইয়াৰ উপৰি, টিপ্ৰা মথা পাৰ্টি আৰু জনজাতীয় লোকসকলক উপহাস কৰা তথা হাঁহি-ঠাট্টা কৰাৰ অভিযোগো উত্থাপন কৰে তেওঁ।
newznow.in