কাজিৰঙাৰ ৰঙাজানত ট্ৰেভেলাৰ আৰু কণ্টেইনাৰ ট্ৰাকৰ সংঘৰ্ষত ২৩গৰাকীৰ মৃত্যুৰ প্ৰাথমিক তথ্য।
গুৱাহাটী, ১৩ নৱেম্বৰ: কাজিৰঙাৰ ৰঙাজানত সংঘটিত ভয়ংকৰ পথ দুৰ্ঘটনাত গভীৰ শোক প্ৰকাশ কৰিছে মুখ্যমন্ত্ৰী ডক্টৰ হিমন্ত বিশ্ব শৰ্মাই।
সামাজিক মাধ্যমযোগে মুখ্যমন্ত্ৰীয়ে কয় যে, দুৰ্ঘটনাত আহতসকলক বিনা পলমে উন্নত চিকিৎসা প্ৰদান কৰাটো চৰকাৰৰ প্ৰথম আৰু প্ৰধান অগ্ৰাধিকাৰ।
কেবিনেট মন্ত্ৰী অতুল বৰা ইতিমধ্যে দুৰ্ঘটনাস্থলীত উপস্থিত হৈ নিজে উদ্ধাৰ তথা সাহায্য অভিযানৰ তদাৰক কৰি আছে বুলিও মুখ্যমন্ত্ৰীগৰাকীয়ে জানিবলৈ দিয়ে।
উল্লেখ্য যে, কাজিৰঙাৰ ৰঙাজানত যাত্ৰীবাহী ট্ৰেভেলাৰ আৰু এখন কণ্টেইনাৰ ট্ৰাকৰ মুখামুখি সংঘৰ্ষৰ ফলত এই শোকাৱহ দুৰ্ঘটনা সংঘটিত হয়।
newznow.in