মণিপুৰৰ ইম্ফল পশ্চিম আৰু ইম্ফল পূব জিলাত পৃথক অভিযান চলাই নিষিদ্ধ কাংলেই য়াওল কান্না লুপ আৰু কাংলেইপাক কমিউনিষ্ট পাৰ্টিৰ সৈতে জড়িত থকাৰ অভিযোগত তিনিজনক গ্ৰেপ্তাৰ কৰা হৈছে।
ইম্ফল, ১৯ নৱেম্বৰ: মণিপুৰ আৰক্ষীয়ে পৃথক অভিযান চলাই নিষিদ্ধ উগ্ৰপন্থী সংগঠন কাংলেই য়াওল কান্না লুপ আৰু কাংলেইপাক কমিউনিষ্ট পাৰ্টিৰ সৈতে জড়িত থকাৰ অভিযোগত তিনিজন লোকক গ্ৰেপ্তাৰ কৰিছে।
খাবেিছোইৰ বিশেষ চিডিঅ' ইউনিটৰ এটা দলে ইম্ফল পশ্চিম জিলাৰ পৰা কাংলেই য়াওল কান্না লুপৰ দুজন সন্দেহযুক্ত সক্ৰিয় সদস্যক গ্ৰেপ্তাৰ কৰে।
আনহাতে, বিষ্ণুপুৰ চিডিঅ'ৰ এটা দলে ইম্ফল পূব জিলাৰ মিনুথং হাফিজ হাট্টাৰ পৰা কাংলেইপাক কমিউনিষ্ট পাৰ্টিৰ সৈতে জড়িত থকাৰ অভিযোগত ৪৪ বছৰীয়া আব্দুল ছাফি আনছাৰি ওৰফে মটৰক গ্ৰেপ্তাৰ কৰে।
ইফালে, ১৭ নৱেম্বৰত থৌবাল চিডিঅ' আৰু য়াইৰিপোক আৰক্ষী থানাৰ যুটীয়া দলে য়াইৰিপোক ফৌডেনত বাহন পৰীক্ষা চলোৱাৰ সময়ত প্ৰায় ২.১০৭ কিলোগ্ৰাম সন্দেহযুক্ত ব্ৰাউন ছুগাৰ জব্দ কৰে।
newznow.in